|
اتحداكم اذا مااتعلمتم انجليزي معي بطريقه مضحكه وسهله في دقايق
هااااااااااااي
ازعجونا في اللغه وهي سهله بس المشكله في المعلم , فقع روسنا بالقواعد والفاعل والمنصوب والناصب والحرامي لكن انا جيتكم وبعلمكم بدون وجع راس يالله نبدأ: افرض واحد ضربك على راسك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,, i = معنها = انا هل تحب جبنة بوك= لاحظ بوك بس نوع فاخر +بوك= book = كتاب هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟ الجواب: فار مر فار مر ,,,, معنها مزارع ,,,,, ككك; farmer <<<< مزارع من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب يعني تقدار تقول= ادفع الباب او دف الباب = push the door = بوش ذا دور كلمه ثانيه: واحد يطق الباب وش تقوله: اكيد تقول ( مين) مين مين مين mean = مين = تعني = معنى = او قصد = كأنك تسئل وش معنى كلامك او وش قصدك مثال: تسئل واحد وش قصدك ؟ what do you mean = وات دو يو مين كلمه ثانيه: وعلى فكره كلمة = com الي تشفونها في الرابط = تعني = شركه = وهي اختصار كلمة = company تسمعون البزر يقول الى امه : ماما يالله قوه البيت = قوه قوه = ياقليب قليبوه المهم واضح معنها لكم : go = كوه = قوه يالله نروح= let is go = ليتس قوه كف = فيه احد ما جاه كف على وجه ؟ انا بصراحه تصفقت لين دخت وانا صغيره كف= معنها = كحه . كف = cough تقدار تقول= i have cough = اي هاف كف = انا عندي كحه او سعال مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو انا اهتم = i care = اي كير باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان هورس = حصان = horse باوار= قوه =power ركزوا معي في تركيب الجمله = انا عندي حصان = i have horse = لاحظوا = i have = متكرره , i have = انا عندي يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره الرئيس الأمريكي السابق ( بيل كلينتون ) بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل او تقول = بيل بليز = فاتوره لو سمحت = اهم شي تدبر عمرك بلوتوث = واواواواو bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟ بلوتوث تعني = الناب الأزرق = او لو حبيتوا نقول الضرس الأزرق ماشي, بلو= blue = ازرق توث= tooth =الناب او الضرس هذا الحرف وشلون تنطقونه ( T ) = تي صح = تي ,تي , تي= معنها = شاي = tea = تي سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف علينا والله ننحاش وتوصل انه ننقل من الحي كله ونترك له البيت ملعون الوالدين فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very يعني تقدار تقول= u are very far =يو ار فيري فار = على كيفكم ني = اللحم ني او الدجاج مو مستوي ني ني= knee = معنها = ركبه بس ماعليكم من حرف الكاف في بداية الكلمه ماينطق =k nee = تنطق = ني كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم كان = CAN = يستطيع او يقدر = انا استطيع = I CAN ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه طيب وش رايكم كسبت التحدي ولا لا؟ تحياتي لكم واتنمى انكم استمتعتوا |
رد: اتحداكم اذا مااتعلمتم انجليزي معي بطريقه مضحكه وسهله في دقايق
مشكووووووورة ياعسل على مجهووووووودك بس بالنسبة لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him مافي احد يقول كيل الناس يا يقولون كول ولا كل ولا اكل <<<<<<< وانت وش دخلك عمووووومااااااااااا يسلمووووووووو ياقمر |
رد: اتحداكم اذا مااتعلمتم انجليزي معي بطريقه مضحكه وسهله في دقايق
الله يسلمك تروووك
بشيل اللي قلت عليه وربي محد معطيني وجه في قسم الأنجليزي غيررررك << دارين انك ماعندك ماعند جدتك بالأنجليزي |
رد: اتحداكم اذا مااتعلمتم انجليزي معي بطريقه مضحكه وسهله في دقايق
شذى الورد ازيدك من الشعر بيت هل تحب الروزرايز ( من افخم السيارات ) روز / رايز ----> رايز = اسم اجنبي ما نبيه أما روز = Rose = الورد والورد له شذى وشذى الورد ما يجي منه الا الطيب مشكوره على طرحك الطيب :) |
رد: اتحداكم اذا مااتعلمتم انجليزي معي بطريقه مضحكه وسهله في دقايق
الله يعطيك العافيه
من جد وناسه وحفظتهم كلهن <~ مستانس ههههههههههههههههههههه شكرآ لك |
رد: اتحداكم اذا مااتعلمتم انجليزي معي بطريقه مضحكه وسهله في دقايق
اقتباس:
تسلم والله اخووووي نورت بمرورك الطيب |
رد: اتحداكم اذا مااتعلمتم انجليزي معي بطريقه مضحكه وسهله في دقايق
اقتباس:
منور بالمرور |
رد: اتحداكم اذا مااتعلمتم انجليزي معي بطريقه مضحكه وسهله في دقايق
كف = فيه احد ما جاه كف على وجه ؟ انا بصراحه تصفقت لين دخت وانا صغيره
كف= معنها = كحه . كف = cough تقدار تقول= i have cough = اي هاف كف = انا عندي كحه او سعال هذه الكلمه مستحيل انساها لاني اول ماشفتها حطيت يدي على خدي تقيلي مروري ومشكوره على الموضوع |
رد: اتحداكم اذا مااتعلمتم انجليزي معي بطريقه مضحكه وسهله في دقايق
العفووو اخوووي كروز
ومشكووور على المرور |
رد: اتحداكم اذا مااتعلمتم انجليزي معي بطريقه مضحكه وسهله في دقايق
شذى الورد شاكر ومقدر لكِ هذه الجهود والتواجد الأكثر من رائع ومن خلال هذا المتصفح اطلب من جميع اخواني واخواتي بما أن القسم هذا مخصص للغه وتعلم كلماتها لابد وان يكون رسمي وخالي من النكات والتعليقات التي تبعد الموضوع وقسمه عن هدفه السامي وهذا مسؤلية ومهمة مشرف القسم الذي وعدني انه سيكون مميز وله ايجابياته ارجو من اخي مشرف هذا القسم ان يسعى جاهدآ لتطويره وجعله قسم معرفه وتعلم وان لايكون للتسليه به من وجود اشكر الجميع واقدر لهم جهودهم وروعة حضورهم |
| الساعة الآن 02:57 AM. |
