من يشتـري قلـبٍ همومـه ملاييـن=ويبيعنـي قلـبٍ مـن الهـمّ خـالـي
عجَـزت أعـدّل مايـلات الموازيـن=أليّـا اعتـدل ميـزان ميـزان مالـي
دنياك يا الجاهـل تراهـا أمّ وجهيـن=أيـام تشـرب مُـرّ وأيــام حـالـي
ويظهر صديق ٍ لك من الناس الأقصين=يكفيك عـن رفقـة رفيـق ٍ موالـي
ورفيقـك اللّـي بالقفـا حَـدّ سكيـن=بع رفقتـه بأرخـص ثمـن لا تبالـي

للغياب جروح , ودموع , ومشاريه , وضحايا

والصباح اللي يبشرني بـ.. شوفتها ضحيـه

جيت اقدم للغـرام المبتـدي ورد , وهدايـا

مالقيـت الا المكـان اللـي يذكرنـي هديـه

الكئيب اللي يبادلنـي بـ.. ترديـد التحايـا

لا سلام الله عليه , ولا علـى مثلـه تحيـه

تصبح على خير ياصوت(ن) يسامرني=يدفي شعوري ليامن عانق اسماعي
ليمن سمعته يسرّيني وياخذني=مدري على وين ياخذني وانا واعي ؟
أنسى من الناس دام انه مواصلني=أبحر معا نبرته وارفع له اشراعي