رد: ديوان الشاعر /مليح الرويلي
كليب وجساس أعظم عيوبي إني إنسان حساس=وأطهر ذنوبي حب كل المخاليق. ولدت من رحم القراده والاتعاس=وعلى جبيني بصمة الهم والضيق. فيني علو كليب وإقدام جساس=وفيني كرم حاتم وحسن المناطيق. وأحيان أجي حطاب وتعاند الفاس=وألقى محاريها بجوف المعاليق. لقيت لي مهره وأنا كنت فراس=وكنت أتجول بين غربٍ وتشريق. عسفتها وصرت أتوجس للاوناس=ومسكت يدها بين نشوة وتعريق. منها أنتشيت وشفت حظي علي الناس=يومي ملكت أم الخدود المواريق. بنت درج حبي وأنا كنت محتاس=وشالت همومٍ كانت تشيب طويق. لكن قدرنا نوب بيدين وسواس=يسعى يبي تخريب تدمير تضييق. وحنا سمحنا له يجي وسط الانفاس=وأكثر أحيانه بس بوجيهنا يويق. أحسن لنا ياسيدة عقد الالماس=نفهم بعضنا ونحتسي حالي الريق. ونبني سعادتنا قبل دق الاجراس=أجراس شيطانٍ يحب التفاريق. صحيح أحبك ماهي حروف قرطاس=وعندي على ماآقول عهدٍ وتوثيق. لكن عيوبي أني أنسان حساس=وأصدق ذنوبي حسن ظن المخاليق. |
رد: ديوان الشاعر /مليح الرويلي
قوانين كيرشوف هاج القصيد وماج بين الحنايا=من شاعرٍ جوارحه كلها(وقوف) للجادل اللي طشرتني شظايا=وقلبي لها من بين الاضلاع مزفوف والله يهي سوت بهمي سوايا=باسبابها تلبسه جني الخوف دخيل ربك ناظري للمرايا=والوجه باسم واسود الشعر ملفوف حتى تعذرين النفس بالشفايا= لازاد تنهيده على لذة الشوف يامربكة حسن القمر والصبايا=من قنبلة حسنك غدا القلب مرجوف يكفي سكنتي في جفير الخلايا=وفي غمد دمي صرتي حسام ملقوف إليا ندهتيني "مليح السجايا"=من شفتك نرجس حشا ماهي حروف جيش الرموش أقفى بأثمن سبايا=سيف الفكر وازين مغاتير بالجوف ومن لامني من قوم سود النوايا=في حب من فيها القمر دوم موصوف يبلاه ربي بالتهاب السحايا=يموت مايلقى من الناس معروف يكفي كسبتك وردتين وهدايا=ويكفيني إني كل ماعينك تشوف سهله مثل رسم القمر والزوايا=ومعقده كنك قوانين كرشوف مبطي وأنا نفسي تعاف الدنايا=ولا آصيد إلا اللي لها تصفق كفوف في قوس حجانك خيوط المنايا=وعلى جبينك راية العز والنوف ولامر طيفك لك خفوقي فدايا=قلبي معزب وابيض خدودك ضيوف وماآبي أطلع مابقى من خفايا=بس أختصرها أني احساس مخطوف |
رد: ديوان الشاعر /مليح الرويلي
نداءآآآت مخنوقه ضاقت حروف القصيده واكتست ثوب الحداد=وأعتصر هم القوافي بعد ماذاب الحديد قمت أشايع للمعاني وابدع حروفٍ جداد=وأنتخي بعيال فكري وانتظر منها الجديد قمت أحايلها بلطفي واحتضنها بالوداد=وارتجيها تبتكرني بعد ماجف الوريد قالت أعلنت أعتزالي واكتساني أضطهاد=يوم راح الشايب اللي كان من جنسه فريد وآترجى في حروفي يعلنن الأنقياد=يسعفني أرثي اللي راح في دربٍ بعيد يايبه بعدك جفوني عافهن حلو الرقاد=من رحلت وكل مجد من عقب موتك بليد ياماجفني في كنفك وفي حماية يدك ناد=وياما خدي من حنانك استزاد ويستزيد يايبه سكر حنينك ذقته بسن المهاد=واندفن بعروق قلبٍ من صفاتك مستفيد ياشموخٍ رغم فقره أغتنى بذاته وساد=واشهد أنه في عروش القلب عندي سيد سيد من رحل وطريف وجهه شاحبٍ مثل الرماد=تبكي الريشه وتنعى للحفر أغلى فقيد كل شريانٍ بفقدك ضاقت أحلامه وباد=وكل شبرٍ من ضلوعي لك بجوفه ألف ميد رحت يارمز الرجوله رحت ياأغلى العباد=رحت لكن كل خصله من صفاتك لي رصيد ياكبر هاك الفراغ اللي تركته بالفؤاد=وياصغر هاك الفضا اللي كان بوجودك مديد قلبٍ أجتاح البياض ولا تعفر بالسواد=ينبض بحب القريب ويحمل هموم البعيد يايبه من ثقل همي صرت أهيم بكل واد=وانقض جروحٍ سطت بي وآتعزوى بالقصيد يايبه باصبر واباصبر وانتظر يوم التناد=عل ربي في جنانه يجمعن بك من جديد حكمة الله في عباده قدر وشاء وأراد=بالقضا نؤمن ولله مايشاء ومايريد |
رد: ديوان الشاعر /مليح الرويلي
ملك الانسانية هذه القصيدة في سيدي خادم الحرمين الشريفين ( ملك الإنسانية ) بمناسبة زيارته الميمونه الى الشمال الأغر000 يالقصيد اليوم يومك لاجل تشمخ يالقصيد=المقام اليوم أكبر من قصيد الإعتياد. سخر حروفك لشاعر ينتخي بك من جديد=وارتشف فنجال عز واقدع المجد الوكاد أعشبت أرض الشمال واكتست فلٍ مديد=واليهق والديدحان بكل فرع وكل واد تحتري صقر العروبه صاحب الراي السديد=بعد (أحمد) في قلوب الشعب هو أغلى العباد أشهد أنه ساكنٍ مابين دمي والوريد=واشهد أنه في قلوب الناس حبه بازدياد. ملك ! لكن قبل ملكه إمتلك حبٍ فريد=في دواخل كل مسلم عاش شامخ بانفراد في خضم المعركه تلقاه جبارٍ شديد=وبالرخا بحرن من الجود الذي ماله مداد يوم تعضل مشكله يبدع لها حلٍ مفيد=ويوم حرمة مسلمينه تنتهك عاف الرقاد صاحب القلب الكبير ومنبع المجد التليد=بين شعبه حجم حبه كنك بسوق المزاد قلب ينبض للقريب وينقل هموم البعيد=قلبٍ أبيض من عرفته ماتلطخ بالسواد الكرم والمرجله والطيب قيدهن بقيد=وفكهن حتى يعمن كل ارجاء البلاد رحمةٍ في شدةٍ في عزمٍ إيفل الحديد=مع شموخٍ إعتلى من فوق كل الناس ساد رحمته ياقربها للشعب وضعوف العبيد=لمن ظلم تلقاه مثل الحر في وقت الهداد لليتامى والارامل دوم خيره له رعيد=نسأل المولى تعالى يحفظهيوم المعاد حط كرسي للمواطن يحكي اللي هو يريد=وفي حنان الأب يسمع من سموه وش أراد ؟ ياسمو المجد من جيت الشمال وهو سعيد=طريف وعرعر مع سكاكا معلنات الإنقياد والقريات بحضورك تبتهل باحلى نشيد= ودومة الجندل تردد سيدي نلنا المراد وأبو خالد من غلاه بجوف جوفي له رصيد=حب وإخلاصٍ تعطر من شذى ورد الوداد ياولي العهد يالحليل ياطهر الصعيد=ياشقيق الخير لا والله خيرك بازدياد كل ماقلنا نحبك فاض كلي بالمزيد=وفي قلوب الناس أثمن من إرم ذات العماد ياسندنا يا حمانا بالمقيظ وبالجليد=في محبتك.. الجوارح أعلنن الأتحاد نطلب الله يحفظك لاهل الشمال وللعديد=من اليتامى وكل منهو من معينك استزاد. وباسم ربعي والشمال نحيي الدر المجيد=ومع صدى صوتي تردد كل (ذره) بالحماد ويابو متعب ياذرانا أعذر حروف القصيد=المقام اليوم أكبر من قصيد الإعتياد |
رد: ديوان الشاعر /مليح الرويلي
... سكّة مهبّل... ماسنجر القلب يشكي قلّة الوالي=ورسايله مزهريّه وردها ذبّل وش عاد اسوّي مدامي عارفٍ فالي=من مبطي الشؤم وسطه زمّر وطبّل صحيح فيه اصدقاْ من أوّل وتالي=وصافي غلاهم بجوفي زبّد ودبّل قصدي أنا اللي هواها زوّد هبالي=وثوب الغلا ضافيٍ من فوقها وسبّل رميت أنا يمّها تركيبة نْبالي= وانا ادري ان الحشا من عينها منبّل ريميةٍ ظبيةٍ توشّعت حالي=وشفْ مسرح الشوف في تكوينها مكبّل احتلّت الشاعر المتبهذل السالي=في ضحكةٍ ثغرها فتّان ويهبِّل وصارت هي الشاغل وتتعمّد اِشغالي=وبيت الجوارح لها معروض ومقبّل راحت حياتي فوات بقامة آمالي=والنفس لحروفها تشتاق وتقبِّل ياخوف خوفي تكون انقطعت حبالي=وكلّ الذي فات عشت بسكة مهبَّل ومادمت ذيب وكلامي وافق افعالي=باغامر ولو حظوظي فُلّها ذبّل احبّ واعشق ولكن يصعب اِذلالي=كرامتي غيمةٍ ديمومها وبّل |
الساعة الآن 04:26 PM. |