يا سلام الله سلامآ له موده= من صميم الشاعر ليا قال ناله
يا هبوب الريح المرسول وده=وبالغه من عندنا جته الرساله
كان طيرك منربط بالشعر هده=خله يحيلق على كيفه لحاله
وسط سبحآ بالسما والريح شده=وياهلا بالقاف وربوعن شكاله

الجهاله زايله والعلم ضده=والذكا مطلوب وعلوم الجزاله
هات ياابن العم بعلومٍ نرده=ارسل الجزلات من صفوة الزلاله
لا كتبت القاف أميز مرده=والمهايط بيننا ماهي زماله
والمخده نومها كلٍ يوده =ومن سرير النوم ارسلت المخده

ياهلا ب عبداللطيف اللي نعده=طير- شلوا لاتطرقنا مجاله

لاحظ المذكوروحروفي تحده=حد من حالة ضروفه لانشغاله

احترينا جيته في ظرف مده=يوم شفنا الزول عجلنا بزواله

لاخذه في راس عيطا واستبده=واتركه عبره يعبر عن مثاله

ضاع جهده والعوض ماعاض كده=يومن اقفت قام ينعتها نذاله

يحسب ان السيل لاحول يصده=والله انه عايش بضل وضلاله

انا سيلي لانحدر محدن يلده=يبلغ المضمون ويبدد خماله

هد طيرك ياعسى قومن تهده=لابزخه بزخه تقل بزخة محاله