قصيده اعجبتني ف جاريتهاااااا

رد على قصيده اعجبتني فحبيت مجاراتها على القافيه والمضمون





قريت نظمك ياعلي عـدت امـرار=
وشفت المعاني فوقها القـاف يبهـا
شـد انتباهـي ماذكرتـه ومـادار=
شي يخطـف عقولنـا مـن لببهـا
وهاض الشعور وجاك يدفر لك ادفار=
سوادتن تغشـى السمـاء وتحجبهـا
في برقها ليل المساء يقلـب نهـار=
وفي رعدها الساعه يواشك قربهـا
ومن بردها جسمك يقشعر تقشعـار=
تفـرك يدينـك وتتـدفـا مهبـهـا
وبياضها بنت عليها الستـر طـار=
فصـخ ملابسهـا ...وبين ذهبهااااا
كان الخوي والضيف والثالث الجار=
مثل الصـلاه اللـي تسنـن رتبهـا
واليوم قل الصاحب الصادق البـار=
وين القراح اللـي لخويـه حلبهـا
والجار صار الجار بالجار جُـوار=
والضيف ماشاف الصدور ورحبهـا
هذا ! زمـان فيـه عبـره وتعبـار=
ليت العرب تفهم وتوصـل عربهـا
لاتخاف كان الغيـم يتـلاه الغبـار=
خوفك يضيع اجيال بكـره نسبهـا

 

 

 

 

موسى بن عيسى



كل الشكر على القصيدة الطيبة دمت بخير

 

 

 

 

موسى بن عيسى

انت شاعر رائع وراقي وهذا لايختلف عليه اثنان

دائمآ نجد لك نهجك الخاص بك وتميزك بالبوح الصادق والمعبر

دمت متألقآ

لك تحيتي وتقديري

 

 

 

 

كل الشكر على مرورك الجميل ابو عبدالرحمن

لاخلا ولاعدم

 

 

 

 

انت الجميل دائما والاروع في كل حالاتك اخي بدر الشمال

يشرفني حضورك الله لايهينك

 

 

 

 

خوفك يضيع اجيال بكره نسبها

موسى انت مبدع ليسى مجامله انما حقيقه

لك ولي كل مبدع تحيتي وتقديري

 

 

 

 

رحيل بن جديع

الله لايهينك اسعدني تواجدك وتصفحك القصيده شرف لي ياابونايف لاخلاولاعدم