تصريفات الطلاب

ليوم ربعنا كلهم مجتمعين , وأول مره نجتمع سوا من خمسة اشهر , فكل واحد متشفق لشوفة الثاني ولسواليفة , وإذا حكى واحد سكتوا الباقين وسمعوا السالفة برغبة وشوق , قال واحد منهم مدرس , ليوم تأخرت عن الفصل عشر دقايق و ثمن جيتهم ودخلت ولقيت العريف يبكي , وقلت وشفيك ؟ قال : وانا امسح السبورة مادريت ألا بقارورة موية في راسي ,وهذي هي القارورة شفها 0
أخذتها وقلت ياشباب من الي راجمه ؟ علموني وبسامحه أو هو يعترف وبسامحة , وكلهم ساكتين ولاطاع ولا واحد يحكي 0
قلت لهم : كل واحد يطلع ورقة صغيرة ويكتب فيها اسم الي راجم ويصفطها ويعطينياها , ولايشوفها الي جمبه 0
أول شي كن ماودهم لكن غصبتهم شوي وزريت عليهم وتجاوبوا معي ونفذوا الي قلت لهم 0
وصلتني الأوراق وفتحتهن وحده وحده ,وقريتهن وهذي نماذج منهن :-
1- والله العظيم يا أستاذ أني توني جاي ولا ادري عن شي 0
2- شفني والله العظيم اني احلف لك اني قاعد احك رجلي 0
3-استاز انا شفتها قٌيه من وراء وبسرعة عقيبة (مصري)
4-استاد والله في وقتها عطست مرتين وطلع 0000 ونزلت راسي اطلع منديل 0
5- اناشايفها جاية من الجهه اليسار 0
6-استاد هو جمبي 0
7-والله العظيم يا استاد اني جالس أفكر 0
8- استاد اصلن العريف كذاب مايمسح 0
9- من قال لا أعلم فقد أفتى 0( تحققت وش الحصة الي قبلي وحصلتها فقه)
--
يقول مدرسهم : اخذت الورقتين الي هي : هو جمبي والثاني الي كاتب اصلن العريف كذاب مايمسح , وحطيتهن على جمب , وطلعت اسمه بطريقة متابعة خط ذا الاثنين ,وفعلا حصلتهم جمب بعض واعترف على طول