الصداقه شي كبيـــــر

الصداقه شي كبيـــــر
والانسان اللي مايقدر صحبة رفيقه ووفائه
انسااااان بلا احاسيس
اترككم مع احلى ابيـــــآت مرت علي عن الصداقـــه :





أنا الصديق اللي ليا طحت شالك,,
لا ضامتك دنياك والوقت بك مال

أنا يمينك شدني في شمالك
يمنى بلا يسرى ترى حالها حال

أنا عزاك وعزوتك لا جرى لك
من تاعس الدنيا هواجيس وأهوال

ماني من اللي لااغتنى ما وفا لك
ولو لك عليه من الجمايل والأفضال

ماني خويك كان وقتك صفا لك
أنا خويك لا أدبرت فيك الأحوال

خذني عصا موسى إذا كنت هالك
أمسح لك بحور القهر قول وأفعال

بالك يجي في خاطرك يوم بالك
إنك تغيب ولا تجي لي على البال

لا لا تفكر إنت في مثل ذالك
إن أتخلى عنك ولو الزمن طال

ماأقول أنا ياعم مالي ومالك
ماترخص العشره ولا تغني أموال

إسمع جوابي قبل ماأسمع سؤالك
خارج حدود التغطيه وإرسل إرسال

أنا ليا شح الزمن في وصالك
تمدني النخوه على وصلك جبال

أنا عمى عين العدو لا نوى لك
وأنول روحه قبل ماروحك تنال

بينك وبين الشمس شجرة ظلالك
ماللشجر قيمه إذا مالها إظلال

والليل لو الليل مظلم وحالك
ترسمني الظلمه على صدره هلال
راقت لي
م