مبروك يالرمثان

][[[ مبروووك يالرمثان ]]]

إيه استفيقي يالمعاني من البير =لي سبعة اشهر .. اشعر بضعف الانتاج

واستنفري فالظرف في ليلنا ... غير=ابغى صداكي سرب (ميغ " وميراج )

سلام اصفى من حليب المغاتير=واشهى من الخبز المقرمش على الصاج

خبازته ..توها .. بعمر النواوير=من صدرها العرقان .. عجينها .. راج

لاجاك مع زبدة ضحى .. حلبة عصير=مع شاي ع الجله .. تقل كاسة علاج

ماتنصفط إلا لربع " مناعير=لعيال عمي .. مسكتت كل هراج

والنعم (( يالرمثان )) .. للطيب تفسير=جعلي فلا انخى غيركم كاني احتاج

والا انت يا شوق البنات الغنادير=مرحوم بطن " جابتك ... للوفا .. سراج

لا ابوك مني ... كل ود" وتقدير=(العز ورث جدود .. ماهو بمنهاج)

مبروك (ابو فيصل ) .. على وجهها الخير=خلفة سنافي بطهرها للنسا ...تاج

بنت" لأبوها ... بعفها .. راهبة دير=فطنة رزينة عقل .. مفرودة حجاج

الله يوفقكم ... تتم بتياسير=يحفظكم المولى ... من لسان منعاج

يا (( عبيد )) لو كل شي بغيناه .. بيصير=مبطي سكنا قصور وابراج من عاج

ولو انها بالكيف .. ماصار تأخير=اجيك والفرحة مثل فرحة الحاج

عذري صريح ... وتقبلون المعاذير=( عانيتي ) ابيات واشعر بالاحراج

افكار في راسي مثل زحمة السير=حاولت اترجمها بسرعه ودوبلاج

ان كانها حازت رضاكم ... على خير=وإذا ثقيلة ظل ... اسف ع الأزعاج

((رعد الجذيان))