ويــلان ربــعــي للــوازم ذخــرتــهــم

،،،،،،،ويلان ربعي للوازم ذخرتهم,,,,,,,,


انا عــيوني من دموعي عــمـيتهـا
مـن يوم فرقى نور عـيني رأيـتهــا
حـدتني الـدنيا عــلى غــير رادتــي
وتهــدمــت احــلامـي اللـي بنيتهــا
وشلون ابصبرعن حياتي ومهجتي
وشلون ابنسى أيام معـها قـضيتها
والله مافــارقــت خــلّــي بـرغــبتي
مـير الظـروف القاســيه ماقـويتها
كل المصـيبه من ديـونٍ تراكــمــت
راح العــمــر . أسـدد ومـاقـضيتها
كـم مـرةٍ راعي المـطـالـيب حــدني
ولرضـاه انا زدت الديـون ورثيتها
اسـاير الدنيـا عـلى شـان سمعــتي
وافــراج ربي مايأســت ورجــيتها
صحـيح لي ربعٍ يفـكــون ضـيقـتي
ويلان تفــزع لاانعـسرت ونخـيتها
هم فرحتي لاضاق صدري وعاضبت
دنياي وان كثرت همومي نصـيـتها
ربعي هل الطولات عـزّي وسلوتي
بوجـودهـم كـل المصـايب نسـيتها
ويلان ربعــي للــوازم ذخــرتهــم
هـم السعــد كان السعــاده بغـيـتها
ربعـي وانا فـي طيبهم دايم افتخـر
وبأفعـالهم روس المعـالي رقـيتها
ادري بطـيب عـيال وايل وفعـلهـم
لـوعـات قــلبي تنجـلي لادعــيتها
لكـن بلايـه يلـجـم لســاني الحـــيا
وكلمات راعين الشماته خــشيتها
ابـي اتصــبّر لــين ربــي يحــلـهـا
واحــاول اسعـد يوم عمري لقيتها
حـبيت انا دنياي مـن زود حــبهــا
وعـشقـت حيٍ منبني فــيه بيتهـــا
قلبي غدتبه جادلن تسلـب الحـشى
ريمــيةٍ مـعها الحـــياه اهـتويتهــا
اغـليت انا كـل القـبيله مـن اجـلها
حـيينها والـفـين رحــمــه لمــيتها
هـي مــنيتي بين الغــناديـر كــلـها
قـبل المعـرفه جابني طيب صـيتها
بنت الشيوخ ويرفع الراس اصلها
والله لـو تطـلب عـيوني عــطـيتها
هـايم بـها وامــوت فــيها واحـبها
ومن اجلها كل الصعـايب مـشيتها
ياما على الهاتف سهرت ونطرتها
وان طولت عافـت عـيوني مـبيتها
ويامـا كـوتني بالتغـلي مـع الـدلـع
ويامـا بعـد فـي نار حـبي كـويتهـا
كـم مـرةٍ ناديـت وانطـق بأسـمـهـا
وكل ماطرت لي نور عيني بكيتها
اللي احـتوتني بالحـنان بغـرامـهـا
من قلب صادق بالحنان احتويتها
يازيـن ضحـكـتها ويازين صـوتها
فـــديتها ياناااااااس والله فــديتهــا
لو امـلك المطلـوب والله لاادفـعــه
ولو ينغزى بهالوقت يمكن غزيتها
هي دنيتي صارت وهي كل مطلبي
وامــوت ياربعـي اذا مـاخــذيـتهـا
بحـر الهــلالي اهــتويته وشـدنـي
وعـلـيه قـيفـان القـصيده بديــتهـا
شـكـيت هـمٍ بالضـمـاير يلـوعــني
وقـلت الحـقـيقـه كـلها ماكـمـيتها