الى الاااااديب ابن زيدان

كانت في الاديب الشاعر----------

الا يامرحبا بالي على شانه كتبت الان=
نظمت القاف من أجله وكنه بالخفى له دين
سلام ياصل لرجلن كريم المنزله وإنسان=
رفيع الذات والعادات ينطح والعدا مقفين
عزيز النفس من طيبه صخي يذبح القعدان=
كريم يعطي الجزلات مادور عوظها شين
مثيله والله ليبطن حريمن ينجبن احصان=
حليم وحكمه وباسه قوي سلاح ذو حدين
هذاك الي كما برقن سطع هزاع ابن زيدان=
ترعد في ظلام الليل وتبرق والرجال تبين
ابوه اللي ليامنه تنخى واعتزى ويلان=
دحوم مايهاب الموت ينطح سربت الغازين
كتب في دنيته صيتن مفاخر لو زمان كان=
تخلد في وسام العز تتناقل مع الحيين
تأمن من تبع صيت لسلايل مثله كحيلان=
جديدن باقين ذكره قديمن لو تعدى سنين
برحمه تنزل بروحه بأمرن من عظيم الشان=
وجنه من هبوب البرد تفتحله على بابين
تسر بهجة الناظر عناقيد من الرمان=
ويرقد والبشاره جته وعدن من كريم لحين
رحمه الله ماغيره عفو(ن) قادر(ن) منان=
ورزقه بخلفتن تدعي على طول العمر امين
وخلفه الله في رجلن يرجح كفة الميزان=
ثقيل ليا حضر اسمه يكفي جملة الباقين
ابو فارس اليا منه تسلسل نشوة الفرسان=
تعلى وجهة الساري وحول يطعم المسكين
اليا يامزبن الجالي الا ياهيبة السلطان=
الا يافزعة القاصد الا يامطلق المنفين
الا ياروح حورانن تعلا فارد الجنحان=
شموخه والا من عيى شلع مارده العقمين
وعلى مد النضر شفتك اصيل معرب الجدان=
كبير ووجهة الساري عرب نقوه ذهب صافين
تحدر من صفوف الولد ترقى قبلة الفدعان=
وعليكم باالكرم والجود ياالفدعان ومسمين
تعلى بشر ومن يلحق عمام في عيال اخوان=
وصاروا في ذرا عناز مايفرقهم البطنين
ونعم بشروى من عندي توجب بذكركم ديوان=
يطرق لك على الابواب مهي ما قد ذكر سطرين
ولوالمرجله بالمال بنكك محتوي مليان=
يقدممن ردى حظه يجي في عزته تموين
وربعن ونعمن بربعن عليهم باالخطوي احسان=
اكبار اليا مشوا ثقلن كساهم وسلموا مرهين
لفوا في مجلس مبطي يجمع من كبار اعيان=
كبار من قبل الليوم وان شد الخبر قاسين
ودلالن دقه لبغداد تجمع لمعة الرسلان=
عليها من لهب نار دخنها مايظر العين
تجمع حولها صفرن كبار احجامهن برقان=
توقد حدرهن نار عليها من الغظى عودين
ترفع قدرك العالي بجاه منزل القران=
وتحقق طلك من غير ماتدري يجيك منين
تخلي دنيتك خضرا وكنك ساكن بستان=
وكلما تطلبه نفسك توفرلك على زوجين
وجزاك الله في خير على مرثية الرمثان=
كفاك الله من همن تعقبه الحزن والبين
وابن بقرص جعل رحمه تبلل ريقه العطشان=
وجعله ينبعث مرحوم مكتوبن مع الناجين
هذا دربن علينا حق مايبقى جميعن فان=
حقيقه امر من ربي طريقن نسلكه ماشين
هذي والخاتمه صلوا على اللي من نسل عدنان=
محمد ابن عبدالله رسول متممن للدين
نظمها شاعر لشعره تسمى فيه بن جذيان=
وسلامن يلحقه عذرن كانا بقولنا مقصرين