ما الحب الا للحبيب الاولي

أكذب بيوت الشعر بيت اللي يقول
ما الحب إلا للحبيب الأولي

وأكبر دليل إنك معي أربع فصول
وألغيت كل الناس ياريحة هلي

ألغيتهم وأنا أحسب إن مالي ميول
إلا لأول حب بالقلب الخلي

بس إنت ماخليت للماضي قبول
وعلمتني بالحب مقدار جهلي

وسميت بإسم الله عليك من النضول
واللي يهدم البير من فوق الدلي

هلا هلا يافزة الظبي الجفول
يامن لك الخافق يفيض ويمتلي

حقي عليك تحبني حسب الأصول
وإن كان أنا ماوفيت لك حقك علي

أشغلت فيك الناس وأصحاب العقول
ماغير أسولف عنك وأفليها فلي

سموني المهابيل مهبول
وأنا هبالي لك وثقل العقل لي

وش لي لاوالله مالي شيء مول
يامول عن شعب الإمارات أوملي

أخذتني كلي وأنا كلي ذهول
مدري غلا ولا غلو ولا غلي

مثل الخليفة والأمه ذات الحجول
يوم سمعوا صوت صفير البلبلي

مالك سوى تآمر وأنا لأمرك عجول
حتى ولو أمرك هدم مستقبلي

أقول إيوه وإن بغيت الإيه أقول
ولا على قولة هل البصرة بلي

معك معك دايم ورغم أنف العذول
أعلن موافقتي وشرطي مايلي

إنك ترضاني إليا جيتك زعول
وإنك تزعلني إليا غاب زعلي

وإنك تقاضالي من الرمش الكسول
وإنك تلحفني الجديل المخملي

مانك موافق زين يالظبي الجفول
باقي معي كلمة بصدري تصطلي

تبي الصراحه عاد صادق من يقول
ما الحب إلا للحبيب الأولي

للشاعر العذب مطلق النومسي العنزي

 

 

 

 

صقر وايل..

ماشاء الله على الشاعر مطلق
فهو مبدع في كتاباته واشعاره
وانت مبدع في ذوقك ونقلك
سلمت يمينك على النقل الرائع
ولاحرمنا الله من جديدك
يعطيك العافيه اخوي
لك ودي واحترامي..

 

 

 

 

صقروايل

تسلم اخوي على هالنقل والقصيده الرائعه للشاعر

المخضرم مطلق النومسي تقبل مروري وودي وتقديري

 

 

 

 

قصيده في قمة الرووووووعه
تسلم لنا دوم الانامل
دمت لمن تحب

 

 

 

 

سحر


خيااااال

احااسيس

يسلموا ع هيك طله لاحرمتكم دمتم ع خير

 

 

 

 

قصيده رائعه وجميله للشاعر مطلق النومسي
تسلم انااااااااااملك على النقل
تقبل مروري.

 

 

 

 

ضحكتك تكفيني حضوور قلمك شاكر ومقدر