قصائد نبطيه رائعه تستحق المرور

صفاتي
[2]
باوصيك ياللي كيفه البن والهيل= خلك مع اللي يحكم الشور واقدى
وابعد عن اللي كيفه القال والقيل= حتى لو انك ساكن(ن) بارض جردى
ترى الردي واللاش ماله مراسيل= لا شاف وقفات الرجاجيل عدى
[3]
يانوم ريحني من الهم والتفكير= انا دخيلك لا تلاعب في اعصابي
وان جاء سعت خاطر وناسه ولعب وزير= روح ولا تاجي واعدك من اصحابي
اشناك واحبك وانا عارف انك غير= تكفى تصادقني وتصبح من احبابي
من شان لا احتجتك تجيني هوى وتسير= واما بغيتك جالسن لك بمشعابي
[4]
البارحة في تالي الليل ونيت =ونت غريم(ن) ماقتضى من غريمه
واصبحت افكر كيف وشلون ياليت= لفكار شابت والنتائج عقيمه
ماعاد فيها كيف وش جاك وش ريت =اقفوا وكني واقع(ن) في جريمه
(((الشاعر عوض علي محمد الحارثي )))