مرامي

الخوف تفسير العميق اشياء ماودك تقال=واهل الشماته جاهزه بدفوفها وطبولها
ياسرع مايطب الخبر وياسرع مايشدالرحال=البعض هامد والبعض رد الهوا هلهولها
غير اطلب الله لاصفى هلي صفى يابن الحلال=ولاتواخذ صغار العقول الياعرفت عقولها
جهال في واقع تشوف اشكالهم مثل الرجال=ياحيف ياخطو الرجال الي يغرك زولها
ماودك تسولف معاها ولاتجادلها جدال=ولاتحاورها ولا تاخذ بيد حلولها
اعلم ترا مال الحمول النايبه كود الجمال= والمرجله قمه على الكسلان صعب وصولها
والدائره لوهي تثلث والمربع استطال=اظلاعه الاربع وخالف عرضها عن طولها
لاتخاف من جور الليالي خوف من رب الجلال=سبحانه اللي عالمٍ كل البشر وشمولها
وربعك سماهم بالسماء من فوق وجذورٍ طوال=قبايلٍ تطاولت لين استطالت طولها
وبقاعة اعماق البحور السبع مرسوم الخيال=كونٍ يلف الدائره اعلامها بزحولها
شهق الرنيم الحالمه بالعلم لا جاء في مجال=ضي المعاني واضح التأثير في مفعولها
حديتها حد القراح اليا تلقفه الزلال = بواهج لعدٍ ترشف من رحق معسوله
ماجيت امثلها على التمثيل واضربها مثال=جيت اتصاعدها واحرم بالحرام نزولها