سجل حضورك اليومي ببيت شعر ..,

قصيدة مبكية تحكي قوة المفارق
وان الايام تمر والسنين تمر والحب باقي في القلب

شفتها يافلان صدفة بعد ما غابت سنين
عند قسم المختبـر وسط مشفى الجامعة

جبيتها ثم قلت ممكن في سؤالي تسمحين
ناظــرت فينـي بدهــشة نظره متواضعة

قــــالت انته تـحسبني مــن بنات صايعين
تـحسبني في زماني عن طريقي ضايعه

قلت أنا ما راح أطول كـل أبوها كلمتين
وأبعــــدت عني شويه ثم جتنـي راجعـه

قـالت أسال واضح انك من رجال طيبيـن
بس هرجك يالسنـافي كان وشهوة دافعـه

قلـــت أنا حبيت وحده يوم كنا صغيـرين
ومن ثمان أسنيـن راحت للمواصــل قاطعـه

عقبهـا مــا ذقت نـوم يهتني به النايمين
ســاهر في طول ليلي لين شـمسي طالعـه

اذكر انه فيه حبه فـوق ثغـره مـن يميـن
واذكـر انه لا جــرينا كـــــان شعـره تابعـه

واذكر انـه عـــاشـق فالــورد الياسميـن
صـــــار قلبي بالورود اللي عشقهـا زارعـه

طابعا اسمه بقلبي فيه سين وفيه عــين
وفيه ألـــف وفيه دال وســط قلبـي طابعـه

قاطعتنـي بقولها سبحـان رب العالميـن
كـــررتـها مــــــره ومــــــــــرتيـن ورابعـه

قلـت وشفــيك وشبـلاك بابنيه ترجفـيـن
ليش عينك يابنيه مـــــن كـــــلامـي دامعة

قــالت الموقف وقلبي والمـحبة والحنين
كــيف أشـوفك بعد مــــا كنت عنك قانعة

قلت أنا بسالك أن كأنك أنتي تذكرين
عــن مواثيـق ثـمنها مــــن حــياتـي دافعـه

قالت ظروف الزمان ما تطيع العاشقيـن
بيعونـي غـصب حـــبك لو هو ماني بايعـه

أنا في دنياي حالي كنها حال السجين
حتى لــــو فكـــوا سراحه فيه شي مانعـه

زوجوني غصب واحد وحرموني حاجتين
السعــــادة فـي زمانـي والحيـــاة الرائعة

والحين أنا أم لثلاثة عندي ريم وياسمين
والولد ا سمه على اسمك خالد والمشاعـر جايعـه

وسلاااااامتكم....

 

 

 

 

كلما صارت الذكرى قديمـة...
كلمـا زاد فالخافـق غلاهـا

بعض الاحجار لا قالوا كريمة...
ويش مقدارها لـولا بطاهـا

والبطا زاد دهن العود قيمـة...
عتّقته السنين اللـي قضاهـا

 

 

 

 

لحظـه وداع / وكنهـا سكـرة المـوت
ضاع الطريق .. اللي من اول رسمتـه
ضاع الطريق وصرت في الدرب مبهوت
مدري وش اللي فاتنـي مـا اغتنمتـه !
العمر مرّ .. وراح مـع فايـت الفـوت
صحيح ضعت .. وضاع حلـم ٍ حلمتـه

 

 

 

 

لا .. تلوم إللي ذبـل مـن غرامـه
لا جاء كسير و منكوي .. خاطره كي
كل من يشوفه يسأله وش علامـه ؟
يشرب دموعه ثم يتمتم : و لا شـي
كاذب و ربي .. ما صدق في كلامه
جرحه عطيب و طاويٍ لوعته طـي
:

 

 

 

 

ماهو بكيفك تذكرني وتنساني
أشوف لاضاق صدرك جيت تشكيني
تجي أيام كلك دمع وتعاني
وأيام تنساني ولاتسأل أبدا فيني
لاتقول وينك تدري وين تلقاني
على غيري أكذب تعذر يابعد عيني
اللي يبيني على دربك يلاقيني

 

 

 

 

أمشي على ظلك وأتنفس هواااااك مثل البدر في ((طلتك)) لا وصفتك ألمس أثر سحرك وأسمع لنجواك وأعيش لك للأ بد(( وعد ))ووعدتك لأني ذكرتك عرفت اني صعب أنساك عرفت اني لا نسيتك رجعت وذكرتك

 

 

 

 

قفت بك الدنيا ولا أدري على وين ..&.. وفيني بعد ماغبت الايام بارت
كلن توسع خاطره دمعة العين ..&.. وانا دموعي داخل العين حارت
لا عتني الفرقا على بعد غالين ..&.. ياشينها الايام لاقفت وجارت

 

 

 

 

هل الهلال وهامـــل الدمــع مــدرار * * * لا هل واهمل ماطره كالهــــلل هـــــل
صور وصار الملح والدل والكـــــار * * * له والمها ما له ولا رســـــم ما كـــل
لو صاح صالح طالعه ساع مــا دار * * * اسود على صدره على المسك عمــل

 

 

 

 

ماعزني ثروة دراهم ولا جاه .. العز يكمن في غنى النفس فيني

وجــروح إلى من الزمن جار وأثناه .. يسراي ماتضعف سندها يميني

والقلب عن درب التعاريج بقواه .. وأرد باب ٍ منه ريح ٍ يجيني

 

 

 

 

اللى هتف باسـماهـ قلبي وناداهـ
حتي الضلوع بوجدها صفقت لهـ
اللى غرامهـ تل قلبي من أقصاهـ
وبالدمع عيني خيلت وامطرت لهـ