من اختيارات بدر الشمال

أكبر قهر لاجيـت تعشقلـك انسـان
واللي تحبه ساهـي ٍ مـا درى بـك


وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك


وأكبر قهر تبني من سنيـن بنيـان
وتشوف بنٌيـك مـا تعـدى ترابـك


وأكبر قهر تسقي من الورد بستـان
وتموت بين يديـك زهـرة شبابـك


وأكبر قهر تارد على البير ضميـان
وتشوف بعض الطين حايس شرابـك


وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك


وأكبر قهر ترهي على حصان خسران
يوم السبق لا طحت كل ٍ حكـى بـك


وأكبر قهر لاصرت ضايع وعطشـان
ونفس الطريق اللي يوديـك جابـك


وأكبر قهر صاحبك لا جـاك خـوٌان
لابحت له بالسـر راح ووشـى بـك


وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك


ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك


إن كنت فيما قلـت تحتـاج برهـان
ناظر وتلقى فـي قصيـدي جوابـك


وإن كنت فيما قلت مخطي وغلطـان
أترك خطانا وأنـت عطنـا صوابـك

 

 

 

 

بسم الله الرحمن الرحيم
قصيدة مبارك بن حمود بن بقشه ((رحمه الله ))
في الملك فيصل بن عبد العزيز آل سعود (( طيب الله ثراه ))
عندما زار القصيم
يقول من هـو فـي كلامـه بـادي
يبـدى بذكـر الله علـى مارودهـا
يالله يالمعبـود يالـفـرد الصـمـد
يا عالم نقـص السنيـن وزودهـا
تنصـر قايدنـا الحكيـم الـعـادل
ابن الاكارم مـن مجانـي فهودهـا
فيصـل سعدنـا ساعـد الله نــوه
هو نصرة الدنيـا وهـو عمودهـا
حامي حمى الاسلام والبيت والحـرم
والمملكـة امـن جميـع حدودهـا
من عاصمة بغداد للشـرق لليمـن
المملكـة فـازت وفـاز سعودهـا
انشى المعاهد والمصانـع والعمـل
والطرق مهدهـا وزفلـت نفودهـا
واهل المزارع عانهم فـي شغلهـم
والباديـة حـط المكايـن عدودهـا
والشعـب كلـه فـي نعيـم كامـل
وكل بخيـر ونعمتـه فـي زودهـا
وعبدالله القايـد لقـوات الحـرس
في نهضة الاسـلام قايـد جنودهـا
قايـد هـل التوحيـد لا رد البـراء
يمشون والبـارود مثـل رعودهـا
لاكبـرت القولـة ردوا لـه الخبـر
يضرب مخافيها ويرقـى سنودهـا
وسلطان زيـزوم الدفـاع ومقدمـه
وسلطان حاميهـا لا هتـز عودهـا
قايد دفـاع الجـو والبـر والبحـر
يسود المعـارك لاشتبـك بارودهـا
لاما غدا قـدح اللهب مثـل الذهـب
وحس المدافع مثل قصف رعودهـا
تقدم الجيـش السعـودي بفخرهـا
جيوش فخرها من اوائـل جدودهـا
حنا العرب وابناء العرب مقدم العرب
ومقدسة الاوطـان حنـا جنودهـا
فيصل امام الديـن قايـد نهضتـه
مقدم هل العوجاء حمـاة حدودهـا
خيالـة العوجـاء مـورث مقـرن
نعم الشباب ونعم ماضـي جدودهـا
هل كلمة التوحيد ماهي مـن كفـر
فضل من البادي وخلقـة شهودهـا
يشهد لهم التاريخ بالمجـد والثنـاء
وعبـد العزيـز مصـدق مارودهـا
لعـل عـود جابهـم فـي الجنـة
يسكن منارلهـا ويشـرب برودهـا
في جنة الفـردوس عنـد المنتهـى
في ضل بستـان النعيـم يرودهـا
جيشه يحق الديـن قـوم نصرنـا
سنـة رسـول الله يقـوم حدودهـا
اللي يعـادي الديـن عـاداه اكثـر
ارخـى عليـه السيـف بمحدودهـا
لين استطاع وحكم الشـرع بالعـدل
وجنب حكايا الشرك هي وورودهـا
حق على اهل الدين للسلم والعـرب
في واجب الاسلام تبـذل جهودهـا
حنا هل التوحيـد يامعشـر العـرب
شبانـا تمشـي مماشـي جدودهـا
وحنا هل التوحيد من عصر الجهـل
نفخر بحكـم الله ونفخـر بزودهـا
هذا جوابي والصـلاة علـى النبـي
اعـداد ماهـبـت ذواري نـودهـا

 

 

 

 

وإن كنت فيما قلت مخطي وغلطـان
أترك خطانا وأنـت عطنـا صوابـك
هذا عن القصيدة الأولى
وأما الثانية يكفي إنها
(بالسيف)
شكرا لإختيارك الرائع
وتقبل مروري وتحياتي

 

 

 

 

وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك
بدر الشمال
تعجز الكلمات عن التعبير بما تاتي به من مواضيع
جميله كل الجمال
بدر الشمال المتألق دائـــــــــــــــــــــــــما
للك مني اجمل تحيه و شكر

 

 

 

 

هذي الرسالة مافيها كلام
بس شوف عاليها تلقى اسمي يضويها
وش تبي أكثر من هالشي يحليها
قول مغرور قول اللي بتقول
أنـــا أدري أي رسالة مني
لــــو فاضية تنسيك الدنيا وبــــــــلاويها
وهذي الحقيقة اللي صعب عليك تخفيها !!!!

 

 

 

 

متواضع

شاكر لك جميل المرور والمتابعه

ويكفيني تواجد الجميل عبر متصفحي

لك تحيتي وتقديري

 

 

 

 

محمد غازي

شاكر لك جميل المرور والمتابعه

لك تحيتي وتقديري

 

 

 

 

خالدجليدان

شاكر لك جميل المرور والمتابعه

لك تحيتي وتقديري

 

 

 

 

مركون بين البحر والبيت وحداني
ابني لروحي أمل وجروحي ا تهده

وامر قبل الغروب ارتب احزاني
اطوي شراع الهوى وانوح وامـــده

لايابحر منهو اللي ناسي الثانــي
انا او اللي هجر شاطيك من مـــده

 

 

 

 

لا تعـوّدني على [ قـربك ] كثـير ..
ثم .. تتـركني على جـال الظـما .. !!

بيـننا اشيـاء .. اصغرها .. كبيــــر ..
استكـن بداخـلي .. ثم ٍ نمـ .. ـا .. !!

الشعـور .. اكبـر .. من قـلوب ٍ تطيـر ..
في مساحه شـاسعه .بين .ارض .. و .. سـما !!!