فرحة الأعياد بشوفك تكتمل
وانت عيد القلب يومه يحتويك
وش يفيد القول وترتيب الجمل
دام كل حروف حبي تنتخيك
والرسايل بيننا همزة وصل
وعيدك مبارك عسا الفرحة تجيك
والكواكب دايرة دورة زحل
والقمر طالع بنوره يحتريك
-------
يارسالة سايري ركب السحايب واسبقيه
واوصلي جوال منهو عني غايب وافتحيه
سطري له من رسايل العيد وشوقيه
وباركي له قبل كل الناس وفرحيه
-------------
عاد عيد الي على البال طاريهم طرى
قبل زحمة الإتصالات وقبل الإشتباك
طالبك يالله من قبل لا أسكن الثرى
تغفر ذنوب البشر يالله إني في رجاك
-----------
ياهاتفي "أرجوك"ود
السلامي
و"أرجوك"بالله وصل
الشوق كله
و"أرجوك" هنيهم
((بعيدالفطر))
ناسٍ لهم بأقصى
ضميري محله
ناسٍ لهم كل الغلا
واحترامي
غاليين عندي والغلا
مانمله
-----------
اسأل من اعد العيد
وطوى الشهر الفقيد
يمدكم بعمر مديد
يجعل حياتكم عيد سعيــد
---------
قلبــي
ترى لا مـر طاريك سلم
وأنــا
الطواري علة طحت فيها
المشكلة
لا جيت أكلـم و أسلـم
ذكرت أنا
الشرهة ولك حق فيها
تدري ؟
عيدك مبارك وفيـه تنعم
يالعنبو
فــاتورة مـنت فـيـها.
---------
ياقوة الله وين انا ونت والعيد
مالله كتبلي معك بالعيد ميعاد
هذا الزمن يوعد وراحت مواعيد
وهموم قلبي من عنا البعد تزتاد
في كل عيد يزيد بالقلب توكيد
ان السنين المقبله مابها اعياد
انتي بعيده والفرح عني بعيد
----------
العيـــد قرب أسعد الله ممساك
والله مدري وين خـــد لمستــه
وين أنت ياللي عيدنا في محياك
كف القدر من ضيقة الخلق بسته
من يوم ما لوحت لي كف يمــناك
لليوم دمعي بالخفا ما حبسته
ومن يوم ماذوقتني حر فرقـــاك
والياس زرعه في حياتي غرستـه
---------
شريت لي ثــوب على شان لقيـاك
والثـوب راحت موضته مالبستـه
وشريت عطر ما زهاني بلياك
أربع سنين بعـلبته ما لمستـه
ودفتر قصيد كل يوم يترجاك .
مـا فيه يوم ما سهرت ودرستـه
************************************************** **
كثيرة وعديده تلك القصائد التي قيلت في مناسبة العيد...وأحببت أن نجمع وإياكم بهذه المناسبه...ما تحفظونه من قصائد قيلت بالعيد......أو تطرقت له من قريب أو من بعيد...
يقول أحد الشعراء...لايحضرني إسمه للأسف..بمناسبة العيد:
العيد عيدنا به بأيمن صعافيق::::والعيد الآخر بالحفر والدّجاني!!!
ويقول الأمير الراحل سعود بن بندر...في العيد أيضاً......
أقول في نفسي وأنا أعايد الناس :::::متى بشوفك تكمل أفراح عيدي
أجامل وربي عليم ٍ بالإحساس ::::::: وشهو شعوري وأنت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قولة على عيدك سعيدي
لاصرت عندي وقتي أعياد وأعراس:::: حتى ولو إني وسط سجنٍ حديدي
عاشرت خلان وتخالطت بأجناس::::: محدٍ سواك أهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وأنا قاطع الياس:::::: ومعك بدا يحيا الأمل من جديدي..
وشاعره أخرى تقول:
كلن نهار العيد عايد حبيبه:::::: وألتم شمل القلوب المواليف
وأنا حبيبي غايب الله يجيبه:::::::ويا حسرتي كان انتهى العيد ما شيف!!
عساك من عوادة اللي تعودة ......اللي سقاني ذبلة في ضحى العيد
الجادل اللي كن زمة نهودة......نبت الزبيدي في محاجر جليعيد
من خلقة الدنيا وبنيت عمودة......والبيض في كيد الهوى كيدهن كيد.؟
نمر علي وضحى قصيدة شهودة....ومن قبلنا عينت ((((عليا وأبا زيد))))
ولد الخفاجي راح وأمة تذودة.........خذن قلبة بلمنى والتواعيد
يبي يوري مع هل الخير جودة........وأخر لنا (قصر الأخيضر , وعربيد)
العيد يجمع الله فيه القرابه وتصفى فيه كل النفوس المعاليل
سنه الله في منزل كتابــــه فرح وسعاده مع تكبير وتهليل
عيدك مبارك صاحبي وين ماكنـــــــت ****** يزف لك نبض الخفوق التهانـــــي
عيدك مبارك كثر مابي تمكنــــــــــــت****** كثر الغلا اللي بالضلوع المحانـــي
او كثر مافي فرحة العيد حزنـــــــــت****** وارخيت لجيوش العذاب العنانـــــي
يوم التفت وشفت ماغايب الا انـــــت****** ضاق الوجود وكل هم" غزانـــــــي
تختلف المشاعر بين انسان واخر ، والشاعر المبدع صنيتان المطيري يقول :
ياعيد مالك نظرة في عيوني 000نسيتني مدري زماني نساني
ماقدرت افراحك تعانق شجوني 0احزاني اكبر من كلام التهاني
حاولت اجاري فرحتك واكشفوني 0لاجيت ابضحك ماستمرت ثواني
الشاعر / صنيتان المطيري
شوفتك عيد وجيتني ليلة العيــد
--------------- والعيد صار بشوفتك عيد ثاني
أنا حظيظ بجيتك يا أتلـــع الجيــد
--------------- ليلة فرح فيها نـــزف التـــهاني
بعض الصدف تسوى جميع المواعيد
--------------- يرسم بها الواقع خيال الأماني
ياساعة الفرحه تشوقت للعيد****عيد العيون وعيد قلب الصبابه
رد الجمال لشوفتي يا أتلع الجيد**** واسحب على حرفي لحون الربابه
حرفي بصوتك يا أجمل الصوت تغريد**** يا رمز حبي هاك رمز الكتابه
يا صبح عمري فيك للعمر تجديد**** وحبك يجدد كل يومٍ شبابه
للعيد والقمرا وحسنك مواعيد**** وليل الهوى شرّع للأحباب بابه
يا ما زعجت الصوت باسمك تراديد**** ويا ما نسيم الوجد يمك سرابه
وياما تمنيتك على باقي الغيد**** وأقول مثلك يا غلى الروح مابه
يا قطرة الغيمه على يابس البيد**** رد الحياة لخافقي يا ذهابه.
وللشاعر سعود الفدغوش...قصيده جميله...منها:
عيدك مبارك يا هوى البال وسعيد/////وكلٍ يهني صاحبه وقت الأعياد
بس الرسايل يا منى الروح ما تفيد///// ولا تغني الصوره عن الشوق لازاد
لابد تزور الدار في فرحة العيد ///// يا منيتي شمس الموده والإسعاد.
ويقول أحد التعساء في العيد...
يا عيد مالك فرحةً في عيوني**** نسيتني مدري نساني زماني
يا ليتهم يدرون من عايدوني **** إن الفرح ما له بقلبي مكاني
ويرد ناصر الضويحي....ويقول:
يقولون هذا العيد ...يا زين يوم العيد**** صغارٍ تسابق في ملامحهم الفرحه
وأنا أقول هذا العيد عيداً ما هو بسعيد****نكد صار يوم العيد مثل أمس في جرحه
أقبل العيد مستفيض الجلال مستنير الشروق والآصال
أصبحت من صباحه الناس في بشـ ـر وأمستْ من ليله في اختيال
التهاني على الشفاه تراجيـ ـع تغنّت بفرحة الإقبال
والأماني بين الجوانح خفق دائب بالرجاء والابتهال
العيد لبس الثوب بين نضارة تختال فيه بزهوة وجماح
أو رفع أعناق الرجال ومشيها في بزَّة تزهو مع الأطماح
لكن عوناً للضعيف ومنحة وسداد رأي في هوى وصلاح
العيد أن تعطي الجميل وترتضي سبل السلام وسيلة الأفلاح
أطلَّ العيد في ثوب جميل يطوف على الروابي والسهول
وجاء الحب يغمر كل قلب يبدِّد قسوة الهجر الطويل
فأسفر في صباح العيد وجهٌ ووجهٌ فيه آذنَ بالأُفول
وكم قلب تأوَّه في صباح وكم دمع تهامى في أصيل
وكم بالعيد من بيت سعيد تذكر فاستحال إلى عويل
وســـــــــــــلامتكم؛؛
وجعل أيا مكم جميعاً...أعياداً....سعيده....؛؛؛؛
الإهداءات
05-09-2008, 05:47 PM
ابيات شعريه بمناسبة العيد تفضل وشارك ببيت شعر خاص بالعيد
العرض العادي
