تخيّــل من كـثر مـا أكرهـ فراقـك لا لمحتك جـآي‏..

مضى لك وقت تستوطن خفوقي وتستبيح أرجاي =وأنا أستغفر من إحساسٍ يجيني وأتبع إحساسي
أخاف الوقت يكآتبني قريب وتنقري أشيآي =وأخاف الشوق يرسمني غريب وتنمحي نآسي
حبيبي والغلا بعثر سكوت ي وتوني ما مداي =بقربك .. كيف أجل لو تنتثربي ويمتلي كآسي
غريب ٍخانني وجه الديار ولا وفى مسراي =ورحت أحطب متاهات السرور وملّني فاسي
لمحتك .. قلت يشبهني كثير بنظرتي وخْطاي =عرفتك .. قلت تفداه العيون وجيت لك نآسي
تخيّل من كثر ما أكره فراقك لا لمحتك جآي =أشيل هموم توديعك بقلبي وأكتم أنفاسي
يا أول من تجمّل في دموعي وإستفز بكاي=يا أول من تفلسف في دموعي وأظهر إفلاسي
يهمك تعْرف إن غلطة غرامك بعثرت دنياي =تعال أسمّعك نبرة سكوت ي وصمت وسواسي
وتعال أحدّثك عن بخل صبري وعن كرم ذكراي=إذا حدّتني أشواقي عليك وإنت متنآسي
ظنون .. جنون .. غيره شوق .. إلى آخر مدى ويآي=متاهات ٍ أقاسي جورها وشلون ما أقآسي؟؟
بفآرق دامها من جرح قلب ودمع عين وجاي=ودخيلك لا تواسيني .. وش تخلي وش تواسي
حبيبي جفّت أوراق المسا - خوف - وقست يمنآي=وجيتك طالب ٍ كف الوداع وقلب هوجاسي
إذا أهديت الهوى حرف الموادع .. لا عدم معنآي=وإذا شحّيت في حبر الأسى ..لا عاش كرّاسي