طـنـخـة الخــيـال .....

ياهبوب الريح ياصلف الهبايب=يافصيلات النبا ياعطات ربي
يازهاب الشاب--عن تاريخ شايب=ياسوالف ذكرها دوبه تنبي
لاركبوك اللي لهم هاك العصايب=كنتي مثل الريح يومنك تهبي
ويارفيق الفارس بيوم المصايب=لاتوجه بك تلبينه تلبي
وقفتك شلال لين الذيل رايب=روبة اللى مالقوا وصفٍ يطبي
وان تعدت وانسفت شقر الذوايب=كنها ترزف على القلب وتطبي
ويتخيل لي بعد كل الحبايب=الهنوف الي لها قلبي مغبي
حبها بالقلب --وفيه القلب ذايب=ذوبة اللي عده المنصب صبي
طنخة الخيال في وقت الغلايب=عينه بعين المنايا تستشبي
وبذرا بيت الشعر نومك نصايب=وبذرا الويلان امن ٍ مستتبي
ربعي اللي في معاليهم رتايب=ماعلى منهم معالي كود ربي
نرحل من الكيف ونحول غصايب=على خطو المعتدي ننكب كبي
ننزل بجال بها دفع الضرايب=حرم ابوكم مابها الحي ال يدبي