🌾"ملتقى شعراء عنزه الرسمي"🌾

~ ~ ~ ~
(مجاراة تاريخ 1439/2/15هـ)
= = = = = = = = = = = = = =
الطيب لاهل الطيب عرف وقوانين
(ياسعود )انا ذا الوقت شفت الهوايل

رفيقك اللي من اول وها الحين
اصبح يعدد عليك ... الجمايل

#عبدالمحسن الغضوري
= = = = = = = = = = = = = =
الطيب وهبه للرجال المسمين
خطلان الايدي كاسبين النفايل

امثمنين الموقف الجزل تثمين
اللي لهم كسب المراجل شمايل

سيفٍ ينومس كان جا يومها الشين
تفخربهم بالوقت والراس طايل

والا الردي لو ينفعك يوم يومين
يموج لاكبرت وشاف الصمايل

#سعود بن معزي العواجي
= == = = = = = = = = = = =
مافيه شك مبرهنٍ بالبراهين
لنا الدليله مايبيله دلايل

من وقتك الماضي اليا وقت الحين
والطيب لاهل الطيب مابه جهايل

#مقبل بن شطي بن صلال
= == = = = = = = = = = = =
الطيب وهبه و الرجال الوفيين
ما تنكر أهل الطيب وأهل الفعايل

والطيب عنوان الرجال النقيين
متوزعن من بين فعل و خصايل

#مفضي بن سعيد
= == = = = = = = = = = = =
الطيب وهبه الرجال الميامين
والكل منهم للمهمات شايل

زحول الرجال الي على الطيب ماشين
هذولا مع الويلان ماهم قلايل

#منزل صكب الفدعاني
= == = = = = = = = = = = =
ياشفت مايغطب لك القلب والعين
أعرف ترا هذا زمان التحا يل

تقلب الاحوال بازين والشين
تبين الطيب حميد السجا يل

#عبدالكريم عيادهـ الحجاب
= == = = = = = = = = = = =
يالله يالي تحفض الشوف بالعين
ارجوك يامنشي ثقيل المخايل

احفض رجال" بالمواقف وفيين
رجال الوجاه معدلت كل مايل

ياسعوديانسل الرجال الحشيمين
ياطيب الخوه عشيق الجزايل

الناس فيهاطيبين ورديين
لولا الردي مافاز راع الجمايل

اهل الوفى باقين بالعسر والين
مثل الصقور الي براس الطوايل

#خليل مسفرالطلوحي
= == = = = = = = = = = = =
الطيب ماحاشه ضعوفن دنيين
يطلعلها راع الوفا والصمايل

اللي على حل الصعيبات ضارين
الطيب منهجهم سلوم وسلايل

#صنت الغضوري
= == = = = = = = = = = = =
الطيب لهل الطيب مبطي وهالحين
ماتدركه نفسن تروم الهزايل

الطيب وهبه لرجال الوفيين
زحول الرجال متعبين الاصايل

حمايت المضهوريوم الاكاوين
فوق الاصايل بسيوف السقايل

مثل (اخونمشه) يقسم الخيل خيلين
يرهب عدوه يوم وقت الفعايل

واليوم في حكم (السعود)الشهيرين
في حكمهم مافيه صايل وجايل

الله يديم الامن ويثبت الدين
وايعزمن به عز والعمر زايل

محمد بن لافي العواجي
= == = = = = = = = = = = =
🌾"ملتقى شعراء عنزه الرسمي"🌾