محاوره بين عبدالله المطرفي وحبيب العازمي

هذه المحاورات منقولة من منتديات اخرى
واليكم هذه المحاورة التي اتمنى ان تحوز على رضاكم
حــبــيـــب الــعــازمـــي:

آخـــــــر الــلــيـــل نــســمـــع لـلـحـيــايــا وشـــيــــش =وشوشي ياحيايا وشوشي وشوشي
ليش بعض التصرف ياعرب ليش ليش =الهذيلي لقيته مع قريش اقرشي
عبدالله المطرفي :
طير ياطير ياللي مابقي فيك ريش =السما عاليه والدرب ماينمشي
انت يحكم عليك القاضي ابن دهيش =قاضي العدل لاراشي ولامرتشي
حبيب العازمي :
صارت المعركه والنار في راس فيش =وآخر الليل لابده يصير اخمشي
خل حكمه على اللي يشربون الحشيش =لاتحرك سبب مدفون ثم تبلشي
عبدالله المطرفي :
مابغينا لك اللي بعدها ماتعيش =وان تعدلت لاتفرش ولا تفرشي
عان عزبتك خلاها جملنا طشيش =منقطع راسها وبطينها محتشي
حبيب العازمي :
ناصبين الخيام اللي ذراها عريش =رشرشي ياسحابه فوقهم رشرشي
الجمل ملتو(ن) راسه وقلبه خريش =من دخل في الحبش لازم يصير احبشي
عبدالله المطرفي :
ياشبابه ترى راح العشا مع معيش =حششي ياشبابه بالفقع حششي
ناركم ياهل الفزعه حطبها قشيش =وازقلوا جوفها نظارة الاطمشي
حبيب العازمي :
ياخنادف شبابه يعرفون الغشيش =خيشي ياخنادف في الخلا خيشي
نارنا بالحطب تمحش عليكم محيش =وان زعلتوا حشيناها عليكم حشي
عبدالله المطرفي :
الصفا مانت لاقي منه زاد ومشيش =عرمشي ياسنون العازمي عرمشي
ليت نارك تشب وليت قدرك يطيش =بعد سقنا ذنوبك صرت ماتختشي
حبيب العازمي :
بعد دشيت حبك شيل حبك دشيش =لاتعود تقرمش حب ياقرمشي
ماش داعي نجيب سيوف ونجيب جيش =حربكم مايبا الا حذفة اهل العشي

 

 

 

 

الشميلاني

دمت ودام تألقك الطيب

جميل جدآ أن نجد مثل هذه الدرر

لك تحيتي وتقديري

 

 

 

 

اخوي الشميلاني

مشكور على الطرح المميز والقيم

والى الامام دوماً وبالتوفيق لك تحيتي

 

 

 

 

محاوره رائعه من شخص رائع وشعار اجمل واروع

تقبل مني الاحترام والتقدير والمرور والرد

رعد حمد الجذيان

 

 

 

 

اشكركم اخواني

على روعة مروركم وردكم


دمت بعافيه

 

 

 

 

الشميلاني..

شاكره لك كل الشكر لروعة طرحك
محاااوره راااائعه
لك ودي واحترامي..

 

 

 

 

سحر الغرام اسعدني مرورك وردك

دمتي بعافيه