لقيت انـا بالنـاس عـي جاهـل
ما الحق والقادي بنـص مـراده
يجي امور مـا يعـرف قياسهـا
ويـدق دق عـوشـز الـجـراده
ومن لا يصير بقدر نفسه عـارف
هـذاك ثـور مـا عليـه قـلاده
وفي الناس من هو للرفيق مخادع
يوهـم صديقـه بـصـدق وداده
كنـه سـراب فـي نهـار لامـع
والغش مـا غيـره لجـا بفـواده
وبالناس من يكرم الى جا ضايـف
وان ضيف يزحـر كنـه الـولاده
من خلقته مـا ذاق زاده ضيـف
ولو هو ذباب ما وقـع فـي زاده
وبالناس ظفر ما سمع في هوشـه
ولو هو حضرها كان شيل شـداده
وبالناس من هو يفتخر في نفسـه
من غير فعل يفتخـر بـا جـداده
مثـل غضـاة بالضـو مشويـه
يصبح مورثهـا يصيـر رمـاده
وبالناس من هو يدعـي بديانـه
متمـسـك بديـانـتـه واوراده
عـن الخلايـق غافـل ويحسـن
ياخذ شريطه مثل جـاري العـاده
عنده لراعي الصاع مـوس جيـد
واللي بـلا صـاع لـه المكـراده
فاحـذر خـداع الخايـن المتعبـد
لـو دام ليلـه والنهـار عبـاده
كم غر فيها مـن غريـر جاهـل
حظـه لمثلـه مثـل فـخ صـاده
وبالناس من هو لغـوي بلسانـه
والا بنانـه مـا تهـم أضــداده
يشري اللغا يوذي القريب وجـاره
متـوذي حتـى بحبـل جـهـاده
وبالناس من ينقد على جهل العرب
وهـو جهـول والجهـل معتـاده
وبالناس من هو للنوايب يرتكـي
يبـدي اضيافـه بـقـوت اولاده
وبالناس من يجمع حـلال يدفنـه
بجمالتـه وتجـارتـه وكــداده
ويفوز بـه غيـره وينقـل ازره
يوم الحساب الى هلـك مـا فـاده |