لا الشوق ريح ولا الرجاوي سحابه
ولا الضيق ضيف ولا ورا الصدر مرقاب
بيني وبين الياس بعض الرجا به
مادام للغيبه مع الغايب اسباب
طالت على روحي حراوي كتابه
وابطت على عيني معاذير الاحباب
صحيح ما للقوس غير الربابه
ولا لهمسات الدفا غير من غاب
يارب لاتحرم ضلوعي شبابه
ولا غلا قلبه ولا ضحكة الناب
وعساه لامن حن لي في غيابه
يغدي بساط الريح لأقدامه اركاب
ويسهل الله كل درب مشى به
يمي ولا تلحق خطاويه العتاب
واخلي ضلوعي تنوخ ركابه
واعتابه لو ماوراء الظمه عتاب