الله يجمعنا والمقاصد تهانيك = ونهني انفسنا بمثلك وشرواك
جينا نبارك لك بحفلة ترقيك = ومنها إلى أعلى بجاه مولاك
ولي الشرف واقفين بين ايديك= مع الرفاقه ومن لفا اليوم هناك
ياجعل رب البيت يحقق امانيك= وعساك دوم بعز والعز ملفاك
مالي جدا آلا ازف التباريك = وأقول يامعبود زده بعطاياك
حيثك على المعروف عجله مماشيك = ممشاك واضح وش نبي اليوم نجزاك
يا بن غثيث الطيب دايم مخاويك= والطيب طبعك وتفعل الطيب يمناك
رجل جماعة وحتى الاجناب تغليك= ولااظن هذا الوقت نلقا حلاياك
انت الفخر والنعم لاحل طاريك= طاريك يرفع روسنا لاعدمناك
خير ولد خير بعيدة معانيك=والحمد لله يومن اليوم شفناك
فعلك لوجه الله مافيه تشكيك = مرحوم ياعودٍ على الطيب ضراك
يابو زياد اغليك واغليك وغليك = وعز من مثلك وعزي بشرواك
والروح لو تهدا والله لهديك = اهديك روحي فدوتٍ حدر ماطاك
وياكم فقير يطلب الله ياقيك = شلته على متونك بطبيه نواياك
وكم محرومن جاك عينيه تراعيك = واقفى وهو فرحان جزله عطاياك
أقسم برب البيت وأقسم بمحييك = بعض العذارا قطرفن فرحة فيك
مدحٍ بليا فعل لو قيل يخطيك= ومدحٍ بفعلك لو تخفيت ينصاك
ومن ما فرحلك جعله اليوم يفديك =حيثه عجز ياعبيد يسوي سواياك
واختم كلامي الله يقبل مساعيك = ويكتبلك الحسنى بميزان حسناك
الشاعر رحيل جديع الشميلاني
ابونايف