تعال شفنّي دون شوفتك وشلون=شابت عيوني دون شوفّتك شفني
حالة ضياع وفيني أشواق وشجون=مشتاااااق ..ماأعيفك ولو قلت عفني
دونك أحس إني بهالكون مااكون=وهجرك على نيران هجرك نسفني
كابرت ماانصفني زماني من طعون=ولاخفوقك بالهوى اللي نصفني
خانت ظروفك ..قلت لايمكن تخون=ياللي غرامك بالموده عسفني
خطا تناساني وأنا فيك مجنون=وتدري بحبك من حياتي خطفني
حبك تعدا حدود ناسٍ يحبون=وبأسمى معاني الوصف حرفك وصفني
إعزف على اوتار الأمل أعذب لحون=خلك على لحن الأماني تعزفني
وأقول هونها حبيبي .. تبي تهون=إنت تعرفني زين " إنت تعرفني
مااعرف غيرك " لا " ولاغيرك يكون=ياللي ولفته بالمحبه وولفني
تعال شفني دون شوفتك وشلون=شابت عيوني دون شوفك وجفني

اسماعيل العقيل