هل الهلال وصاحبي مابعد رد=عزاه يا خلٍ تنساه خله
هذي اوامر دنيتي مالها حد=البعد فرقنا عسانا نذله
هذا مكان المزح واللعب والجد=وهذا مكان رسومنا بالمجله
هنيا دموع العين سالت على الخد=وهناك وادعني ودمعه يهله
هيض همومي يوم اقفى ولارد=ولاعادادري وش جري وش حصله
هنيا تعاهدنا على صادق الود=وشاهد علينا خالق الكون كله
هناك قابلني معه ريحت الند=وفاح العطرمن مبسمه في محله
هام الخفوق وهيمه صافي الخد=وبديت اعبر من همايل مهله
هزة كياني هز دلوٍ على عد=حبل الرشى مقطوع واقفت بتله
هدة عزومي هد وضعي تعقد=واشوف حالي كل يوم بمذله
همي هموم وهم حالي من الصد=يخشى خفوقي خافها مدهل له