بسم الله الرحمن الرحيم
قال الشاعر الأمير / محمد بن أحمد السديري رحمه الله وأسكنه فسيح جناته يصف بعض أنواع الرجال :
أشوف ناس زادوا الخبث بطبوع
= والكل منهم قام يرفع حجاجه
ما جربوا غارات طامع ومطموع
= ولا دوجوا بالحرب يوم المواجه
في ساعة فيها الصعب يهتدى طوع
= إن صار لأفواه المدافع لجاجه
كم واحدٍ في ماقف الطيب مشلوع
= ينقص مقامه عقب فعل السماجه
وكم واحدٍ يصعد للأفلاك بطلوع
= بعزم حديد الصلب ذابه وعاجه
لقيت ناس ما لقى لأصلها قوع
= وشفنا الفهد والذيب يتلى نعاجه
عزاه يا قلب (ن) معذب وملقوع
= خيّل عليه وضيقت به فجاجه
ناس على نوع وقلبي على نوع
= وبينى وبين الناس مثل الزراجه
قلبي صعب حرف الوفاء فيه مطبوع
= لا شك من ربعه يشوف الحراجه
من ما نشوف بناظر العين مفجوع
= وللطيب والله فزته وابتهاجه
.