ألف الدنيا كله وماتلفني
عنيد وغير شخصك ماتلفني
عمت عين المنية الماتلفني
لأن فركاك حيل أثر عليه
***
مريض ولاجنح عندي ومركم
وطحت بين أمر الله وأمركم
ويمتة من المرض أخلص ومركم
وأعتب على الحبيب ألي ماسئل عليه
***
أريد أكتب رسالة بحبر من دم
على العمر الكضيتة وياك مندم
شما ضحيت للطيبين مندم
أندم على الأخو الكطع بيه
***
شكثر سامع قصص لحب وقاري
وغرامك شك فراكي وقاري
ملة صبحت بفراكك وقاري
ودك ولطم هواك شعمل بية
***
البحر من ماي شفتك شفته ورده.
وشفت الورد مثلك شفته ورده.
الاكو والماكو يمك شفته ورده.
واشوف الشوك بيدك مزهريه........
***
بعد لتكلي عنك من تكلي.
وعلي مفروض امرك منتكلي.
اشتريد اتصير كلي منت كلي.
ولا خليت مني اشويه ليه...
***
صرت موبس حبيبي قطعه مني
وكلبي بسيف رمشك قطعه مني.
اذا لحضات هجرك قط عمني.
ويردلي الشوف اذا رديت اليه.
***
ابسيفه الوكت كطعني بلاحد
اوكضيت اليل بس اشكي بلاحد
الخوة البيه ماتنحد بلاحد
وضن تنحد اذاحد خان بيه
***
نزيف اجروح جرح الضيم وجفيت
انته اوسهم حبك صاب وجفيت
ابكلبي اومن مشيت ابليل وجفيت
مت اوشيعت روحي بديه
***
وحك الي افكدت بل طف طفلهه
غريجه الروح لاواحد طفلهه
عله ساس الصبر عملت طفلهه
لان مامش سند لاعون اليه