تكفى لا عديت أحبابك معهم عدني
اشملني بعطفك ياشذى ورد وعبير
ارحم قليبي ألي عليك ويمك حدني
ارحمه عسى يفداك عمري والنظير
انت حبيبي ولا شي عنك بيردني
راضي و لو مالي معك حظ كبير
الله ياكثر الأماني ألي لك تشدني
الله ياكثر ما تخيلت شي و مايصير
الله ياكثر ماحلمت انك حيل تضمني
على صدرك وانا من الفرحة أطير
تكفى أكررها أرجوك لا تردني
اسمح لي احبك وأصير بحبك أسير
اسمح لي احبك ولو غيرك حبني
ويكفي اعرف انك ياعمري بخير