قصيده لعقاب الشمال
ملعون ابو جدك حياة المذلة
ولا عشت ياهم ٍ سكن في ضلوعي
لا تقبله يالقلب صده وتله
والعون من عندة كريم ٍ سموعي
الموت له حين ٍ ولاحد ٍ يدله
غير الولي خلاق جمع الجموعي
عصر الزعامة ياشقى النفس قله
جاك الولد يركض بعزم الطبوعي
محد ٍ لقى فوق المعالي محله
لابد مايمشي بدرب ٍ يروعي
ابا نطح القاسي لو السيف سله
والمرجلة تضوي بليلي شموعي
لي مطلب ٍ شرعي يميني تشله
ولاني على بعض الخلايق دنوعي
العز مطلوبي وانا العز كله
راسي وكف ايدي ولاني تبوعي
ولا هنت ياقلبي هوا البيض خله
ما بالهوى فود ٍ ولانت بقطوعي
اليوم يوم القرش والحلق بله
والصيت ماياصل للبطن ٍ يجوعي
جدي هفى يملك بهار ٍ ودلة
والتمرة الحلوة غدت بالزروعي
وانا لزوم املك عقار ٍ وفلة
والا باقل أحساب شخص ٍ ندوعي
الله يعين اللي احوالة مقلة
رزقه على الله والبشر له تزوعي