ياللي تعسف القاف جتك القطيفه =جزل ٍ تطرف لك عن الهزل تطريف
واقع تشاهده العيون الكفيفه=مضفيةٍ ماهي هروج وطفاطيف
الله وامان الله يالولا الوظيفه=والبيت والورعان والجار والضيف
والوضع الاقشر والسنين المخيفه=قلة زياده فوق حمل المصاريف
ماتقبل الراتب معك بالنصيفه=قبل المعاش تجيك مثل العواصيف
لا افز وافزع واتعدا منيفه=واطلع مع المشعاب واباري السيف
وانزل على اهل القلوب النظيفه=ناسٍ لهم بالقدر روس المشاريف
ولاهمني قرب القطيفي قطيفه =ولاهمني بُعد الرويلي عن طريف