( البارحه )
البارحه يوم الخلايق نيامه ... بيحت من كثر البكى كل مكنون
قمت اتجود له وانثر علامه ... من مود عيني دمعها كان مخزون
ولي ونت من سمعها ماينامه ... كني صويب بين الأضلاع مطعون
في ساعه قل الرجا والمحامه ... في وقتها كل المخاليق يقفون
ولاك ماونت كثير السلامه ... خلوه ربع للمعادين مديون
ولا بونت راعي بيت حماامه ... قادن ذكرها والقوانيص يرمون
تسمع لها بين الجرايد حطامه .... ومن نوحها تدعي المواليف يبكون
ولا رضيع جرعوه الفطامه ... أمه قدت ثبل أربعينه يتمون
جهل قضى من بعد شهر الصيامه....صافي الجبين ثاني العيد مدفون
كسوه من بيض الخرق ثوب خامه ... قامو عليه من الترايب يهلون
راحو بها حزت صلاة الإمامه ...عند الدفن قامو له الله يدعون
ياقبر يسقي ترا كل قمااامه ... مزن من الرحمه عليها يصبون
رضاه والجنه وحسن الختامه ... ودموع عيني فوق خدي يهلون
ياليت أإغصآن النفل والخزامه ... تنبت على قبر به اليوم مدفون
مرحوم يالي مامشى بالملااامه ... جيران بيته راح مامنه يشكون
ياوسع عذري وإن هجرت المناامه .. رافقت من عقب العقل كل مجنوون
أخذت انا وياه عشرة عوامه ... مامثله في كيفتن مالها لون
والله كنه ياعرب صرفة عامه ...في عونه الله صرف الأيام وشلون
أكبر همومي من صغار يتامه .. إن شفتهم قدام وجهي يبكون
إن قلت لاتبكون قالو علامه ... نبكي ويبكي مثلنا كل محزون
قلت السبب تبكون قالو يتامه ... قلت اليتيم انا وانتو تسدون
مع الصغار وكل جرح ينامه ... ألأا جروح بخاطري مايطيبون
قمت اتوجد عند ربعي عدامه ...جوني على فرقى خليلي يعزون
قالو تزوج وانسلامه بلامه ... ترا العذارى عن بعضهم يسلون
قلت انها كانت لوسطي حزامه ... لو جمعتو نصفهن مايسدون
اخاف انا من قاديات التمامه ... الي على ضيم الدهر مايتاقون
او واحده مابعقلها تمااامه ... تضحك واهي تلدغ على الكف بالهون
تزعل عيالي بالنهر والكلامه .. وانا تجرعني من المر بصحون
والله لولا هالصغار اليتامه ... واخاف عليهم من السكه يضيعون
لا اقول كل البيض عقبه حرامه ... واصبر كمايصبر على الحبس مسجون
عليه مني كل يوم سلاامه ... عددت حجيج للبيت والي يطوفون
صلوا على سيد جميع الأنامه ...وعلى النبي يالي حضرتو تصلون