عماش العسيلي / البارحه نومي على راس كوعي
البارحه نومي على راس كوعي =ادير الأ فكار والبال عمسان
كني بجوما سكن فيه دوعي =الناس مرتاحه وانا بت سهران
قامت تد الاني همومن تروعي =هم يفرحني وهم به أحزان
وغديت مثل الي برك بالطلوعي =برك بنصف الدرب والحيل فتران
والمشكله كبرت وأنا ازريت أنوعي = غديت مثل الطير من دون جنحان
ليه ثمان شهور ماهي سبوعي = أقدم المعروض ويروح مجان
وحدتني الدنيا على غير طوعي =وعنزتها على الوالي عالي الشان
الله لمن يدعيه ماهو قطوعي =هو الذي يقضي مطاليب الأنسان
وقمت أتذكر طيبين الربوعي =وذكرت شيخ مطير لمطير مزبان
فيصل ولد بندر حصان بتوعي =وبندر ولد فيصل وفيصل ابن سلطان
حر اليا مني نخيته جزوعي =مهما يكون الأمر ماهو بلشان
من ربعتن مايعرفون الرجوعي = لا جاء نهار فيه زوغات الأذهان
اليا ثارت الهيجاء والبس الدروعي = وجاء للرمك رجه وللملح دخان
اليا طار ستر منقشات الدروعي =يشبع على مركاضهم كل جيعان
وهناك قصيدة أخرى
وهي للشاعر الشيخ حمود بن مليحان الجهني..
فيها من الحكم والنصح الشيء الكثير
البارحه نومـي علـى راس كوعـي =والعين عافت نومهـا مـن سهرهـا
قالوا علامك؟ قلت هـذي طبوعـي =لادك هاجوسـي وقلبـي حضـرهـا
نفسي طمـوح ولا تحـب الهزوعـي =والعين شافت مـا يحقـق سهرهـا
دنيـا تقلـب بيـن سـبـت وربـوعـي =واللـي بغالـه حاجـةٍ مــا قـدرهـا
فيهـا قليـل المـال مالـه فـزوعـي =لو صاح محد بينقذه مـن خطرهـا
ما سايلت عـن حامليـن الدروعـي =خيالهـا منكـف مــن أول شهـرهـا
يرجـع بهـا للخلـف بعـد الطلوعـي =وتنزلـه تحـت القـدم مـن ظهرهـا
إليا ادبـرت ماهـي بيمـه رجوعـي =مـا تنلحـق لـو شـد حيـلـه بثـرهـا
لو أشرقت له شمسهـا بالطلوعـي =لابـد مــن لـيـلٍ يغـطـي قمـرهـا
من لا كسب فيها حسين السنوعي =مـا تنفعـه دنيـاه لـو هـو زبـرهـا
والرابـح اللـي صـار فيهـا قنوعـي =واختـار دار الاخـرة عــن ديـرهـا
أوصيك يا ابني في وصاة نفوعـي =احفـظ وصـاة ابـوك لانـه ذكرهـا
ديـنـك تكملـهـا وخـلـك طمـوعـي =في طاعة المولى وجنـب شررهـا
طيعه بما قال الرسول الشفوعـي =ينقذك من ميقـاف نـاس حشرهـا
وأمك تراها لـك حنـون وجزوعـي =تسهـر علـيـك ولا تكـاثـر سهـرهـا
تحملـت بلـواك مـن لـك اسبوعـي =تسعة شهـور تنقلـك فـي ظهرهـا
ترفاك لا يمسـك ظمانـاً وجوعـي =كـم مـرة تعطيـك صافـي دررهـا
في برها لا تصير قاسي قطوعـي =اخفـض لهـا ذلـك ومسـح عبرهـا
وابوك لم المـال مـن كـل نوعـي =تعب علـى شانـك وقاسـا دهرهـا
يوم اكتمل سنـك وشبـرك يبوعـي =عن الطويله ساعـدك مـا قصرهـا
سلمك ماله يـا حسيـن السنوعـي =يـبـي تـقـوم بواجـبـه وتعـمـرهـا
سلـم مفاتيحـه ويرجـى النفوعـي =انتـه قـرار العيـن وانـتـه نظـرهـا
ان صـرت للوالـد حنـونٍ وطوعـي =سلفـه وتحصـد بالتـوالـي ثمـرهـا
جزاك من جنس العمل بأي نوعي =إفعل وتلقى خيرهـا مـن شررهـا
هـذا وجـارك لا تجـي لـه دنوعـي =والعـيـن يـمـه لا تــردد نـظـرهـا
لو انته المسلـم وجـارك شيوعـي =اعطه حقوق الجار في مختصرها
وإليـا بغيـت منقـشـات الـردوعـي =وتبغى حليلـه صافيـه مـن كدرهـا
لا تاخـذ الا مـن بـنـات الربـوعـي =نطاحـة الهيجـا اليـا ازمـا بحـرهـا
اهل المكارم ناطحيـن الجموعـي =الـلـي سوالفـهـو يـسـرك خبـرهـا
يجـي ولـدهـا بالمـكـارم بتـوعـي =سيـفٍ اليـا قـص القضـيـه بتـرهـا
وبنت الردى لا تصير فيها طموعـي =تـرا حـلاهـا مــا يـلاقـي مـررهـا
لو خدها يشـذا بيـاض الشموعـي =لا تغـرك الجذلـه ونثـرت شعرهـا
سحـابـةٍ لــو خـضـرت للرتـوعـي =دار وخيمـه مــا يضـلـل شجـرهـا
عيـنـك عليـهـا لا تـهـل الدمـوعـي =مـا تنـدم الا عنـد حاصـل ثمـرهـا
وهذه قصيدة من قصائد الشاعر المعروف /صالح لويفي البرقان الشراري رحمة الله
البارحة نومي علي رأس كوعي....كن الرمد بصبي عيني مقرة
يامل قلبا قام يرجف ضلوعي .... يدق مثل الساعة المستمرة
ماينفع الملقوع هل الدموعي.... لو يصرط العبرات والريق مرة
ونيت ونت من مشى بالطلوعي .... لفة ورملة والمواهيف حرة
دقر ودبلة عنيد الطبوعي .... عندة هواية يطلعة لو يضرة
نزلة البلوى بقلب قطوعي.... مع الدبل في ترس واحد يزرة
قام ونقل عزمة بصوتا يروعي.... واللي ورا تأكيد يشرك بشرة
خل الحصى من مستقرة يفوعي.... صم الحجار مع التواير يفرة
قلت اة يامقشر فراق النجوعي ... يركي علي كبد المواليف حرة
كثر الربيع وزان نبت الطلوعي .... لا صار ماقبلان عمي يمرة
وين البيوت وين هاك النجوعي... ربعا مجالسهم علي الكبد برة
البارحة نومي على راس كوعي... مدري علامي يامحمد ونا بوك
اخــذ دقـايــق فـــي مـنـامـي وافـوعــي... فاعت قضيب(ن) مع هل الخبت مشبوك
الـبـارحــه مــاذقــت نــــوم الـهـجـوعــي ... مـا كــل لـيـل(ن) فـيـه انـاسـه ومـبـروك
لا دق هـاجـوســي جــدايــه دمــوعـــي... وبيحـت بالخافـي علـى صفـحـت الـبـوك
قــام النـظـر يـقـصـر وثـقـلـت سـمـوعـي... والجيـب مالـه مـع هـل القـنـص داكــوك
مــن عـقـب ماسـنـد وكــت السـلـوعـي... فـي ماقعـن كنـه عـن الـنـاس مشـبـوك
سـاعــة نـطـلـع للـخـريـش الـنـسـوعـي... وساعـة نقـص الاثـر مـع حـرف سهكـوك
وان شـفـت دوس المجـهـلات الرتـوعـي... فـرعـت بلقـرنـاس فــي حـــروة الـــدوك
امــــــا تـقـفــنــه ســـيـــوره طــلــوعــي... والا خـويــي قـــال الــــي عـانـهــن دوك
وعـنـد المـسـا بالصـيـد جـونـا الربـوعـي ... وامسـو علـى شعـر وتعالـيـل واضـحـوك
وصـكـو عـلـى مـثـل البـطـاط الـوقـوعـي...والصـبــح بـــن وهـيــل والـخـبـز مــفــروك
والـيــوم مــالــي فالمـقـانـيـص نــوعــي.... مـاغـيـر انـشــد ويـــن راحــــو ولاجــــوك
بـغـيـت اسـيــر مـيــر عــيــت طـبـوعــي ... مـاهـوب طبـعـي دقــت الـبـاب مصـكـوك
ولانـــي عـلــى تـبــع الـولايــم دنــوعــي... الالــيــا قــالــوا لـــــي الــربـــع نـــــادوك
ارفــع مقـامـي عــن خـطــات التـبـوعـي... ياجاهـلـن فيـهـم تــرى بعضـهـم شـــوك
وقـــت الـعـوافـي ينـطـحـون الجـمـوعـي... وليا بدا لازمك لو صحت ماجوك
قمت بنقلها
وجمعها لكم
وتقبلواتحياتي