{ مع الخيل .. ياشــقرا ..!! }
.
.
.
يعني .. كذا آخر .. ماحتوى دفـتر حـمود ؟؟
…………….....……... لا والله الا باعــتبرها .. البــدايـة
لا .. ماحكمني مارد الشعــر .. بحــدود
…………............ ( مبطي ) وانا اللي فيــه حاكم ولايــة
عندي .. من المعنى مسابيح .. وعــقـود
………….......... ما صوغهن ( ياكود ) ( يبحث .. خـفايـه )
واليوم .. شفت الناس ، طارد ومـطــرود
…………....…….. كلٍ يقول : الشعــر .. عندي هــوايـه
تقرا قصيد ( الورع ) يشكي تقل ( عــود )
……………… والعود .. يشكي .. حب .. راعي .. العبايـه
تقرا الفخـــر وأهل الفخر أصلها زيــود
…………....... وتقرا الحــداثه : أممممممممممممم ؟
تقرا .. وتقرا .. بس ماتطـلع ( بفــود )
……….....…..... [ بث ] وكلام ٍ [ غث ] من دون غــايه
خيال والتفكـير [ ساذج ] ومحــدود
…………..... صعب .. يتجاوز .. حجـم [ سطل النفاية ]
دور الصـحافة .. صار يسعابها ( الدود )
………....…….. عفوا .. إذا اني قلت : دور الـرعــايـه
كذا .. أشوف .. وماورى الهـرج مقصود
……………. ( كود ) ان بعض الشــعر سبب [غـثايه ]
وماكنت أحسبك .. تكتبه يوم ياحـمـود
………...…… لين اطلعوا .. شعــار / كل / قصــرايـة
//// خلف المشعان////