مساء الخير هالمره
مساء الخير هالمره بلاش آسف على التأخير
مدام الرد بعيونك دموع فكل تأخيره
ثقل دم العذر ، والا كسح وجه الخطا تبرير
مدامك عارفه طبعي . أجل وشوله الحيره
ترى ماجيت لجل اسمع سواليفك عن التقصير
أعرف ان الخطا مني (بلاش نعيد هالسيره)
انا وانتي بهالدنيا تحملنا بعضنا كثير
تعودتي على عنادي ، وصرت آحب هالغيره
انا وانتي حكايتنا مثل : صدر السما والطير
كثير اللي يطالعها ،، ولحد طالها غيره
انا وانتي حكايتنا .. مثل لعبه ، وطفل صغير
مع انه دوم يهملها رفض يسمحبها لغيره
انا وانتي .. وش اوصفلك ؟ عجز عن وصفنا تعبير!
مثل ! مدري ! مثل وشو ! ولكن صعب تصويره
انا وانتي بلاش انتي أنا لو بفقدك شيصير
ومجرد طاري الفرقا علي ياصعب تأثيره
أحبك ؟ ايه أحبك .. ذي بعد يبغالها تفكير
يخلف الله على عقل ملكتي كل تفكيره
تعالي .. نحترم ( شيبة غلانا ) .. لعنبو التصوير!!
تعالي نغتنم فرصة لقانا دامها قصييره
ومساء اللي تبي ، حاضر ولاتزعل ( صباح الخير )
أنا كل يوم بتأخر .. اذا في دمعتك خيره