لو مات



لو مات لا تجزع وليه؟
هذا قدر ربي وجاه


لاتكتئب باكر تجيه
الموت هو تالى الحياه


وادعي عسى الله يجتبيه
ويسامحه ويغفر خطاه


وسأل عسانا نلتقيه
في جنّة ٍ عند الاه


لو عاش قول الحمد ليه
ربّك يجاوب من دعاه


لو عاش قوم الثم له فيه
وعانقه وامشي معاه


سامحه دايم لو تبيه
ومدّ له طوق النجاه


هذا حبيبك ماعليه
لو يخطي صغيّر مداه

باكر تلاقي الخير فيه
يصلحه ربي اللي حماه

ادعوا معي لربٍ بيديه
الخير ان يجزل عطاه


يقرّ عين امّه واخيه
ويرده سالم قد شفاه


يارب يامن نرتجيه
ياشافي وبيدّك دواه


اشفيه ياقادر نبيه
نحتاجه بهذي الحياه