(شبكة ومنتديات الشميلات الرسمية) - صدره شمالي يحتضن كل مهموم

- الشعر النبطي (http://alshemailat.com/vb/forumdisplay.php?f=77)

- - صدره شمالي يحتضن كل مهموم (http://alshemailat.com/vb/showthread.php?t=7594)

صدره شمالي يحتضن كل مهموم

الاطرق بن بدر آل هذال

صدره شمالي يحتضن كل مهموم
يالله يالمعبود يافارض الصوم
علـيـك يارب العـباد إتكالـــه
يارب لولا رحمتك صارت علوم
صكّت بنا العدوان شرق وشماله
يارب صلّينا لك الخمس باليوم
تحمي بلادي أرض مهد الرساله
لك يالمواطن الفرح حل بقدوم
صقر العروبه يوم حطّت إرحاله
أبعد همومك مابقى انسان محروم
عاد المليك لكل قلبٍ صفالــه
جاكم أخو نوره سند كل مظيوم
ريف الضعيف وفرحة اللي عناله
صدره شمالي يحتضن كل مهموم
من صلب وايل والطنايا خواله
مليكنا طير السعد حر زيزوم
أرواحنا وقت الشدايد فدالـه
نرقد وعينه لاجلنا عافت النوم
والد رحوم ومعتبرنا عيالـه
يامرحبابك عد ماتنشي غيوم
واعداد ماهل المطر من إخياله
واعداد ماصك بسماها من نجوم
واعداد مافي أرضها من جباله
بقلوبنا مسكنك ياسيدي دوم
وفراقكم يصعب علينا احتماله
غالي ولا يلحقك يالوايلي لوم
وافي بفعلك ياعريب السلاله
للخير في وجهك علامات ورسوم
وللمجد بافعالك نشوف الدلاله
كل مسلمٍ ساعدته بشي معلوم
لوهو بعيد أوطان ترفـى خماله
طيّب . شديد .وواضح النهج مفهوم
أرسيت ياملك القلوب العداله
عادل ويلمس عدلكم كل مظلوم
حكّمت شرع الله في كل حاله
يمناك سلطان السعد كلّه عزوم
شبل الأسود وكل مجدٍ زهاله
أخوان نوره باوّل العهد لليوم
زال الضلال بحكمهم والجهاله