(شبكة ومنتديات الشميلات الرسمية) - المسافــــه جــــرح.... بيني.... وبــيــنــــك

- الشعر النبطي (http://alshemailat.com/vb/forumdisplay.php?f=77)

المسافــــه جــــرح.... بيني.... وبــيــنــــك

ياللي سريت العام تصبح على خير

للصبح نجمِ فـي طوالـع جبينـك

تعبت ادور عنك في زحمة السيـر

ياللي المسافه جرح بيني وبينـك

عجزت الأقـي للغيابـات تبريـر

رزنامة الاشـواق تنعـي سنينـك

شخبار قلبك والمواثيـق والبيـر

والدبله اللي حشرجة في يمينـك

من فيهم اللي باع مبـداه للغيـر

من فيهم اللي بقسوتـك مايدينـك

شيصير يعني لو تعذرت شيصيـر

يا زارع التحنان عطنـي سمينـك

تعال بس شوي وارحل مع الطيـر

على الاقل تفـرك يدينـي يدينـك

وان شفت باللي اطلبه منك تبذير

ما قلت لك شلني علـى راحتينـك

وان جاك مني ياهوى البال تقصير

اسمع صدى حزني اذا صحت وينك

صب السوالف لا تموت المباهيـر

واقدع من عذوق الغـلا تمرتينـك

خليتنـي ابـلا سبـب للمقاديـر

تطرب على نغمة مواجع سجينـك

لو روميو يعرف مآرب شكسبيـر

ماتشرب كمومي مدامـع حنينـك

تسكن بصدري بس ماتلبث تطيـر

وانا عيوني تنتظـر ليـل عينـك

وشلون بصبح في غيابك على خير

الخير وينه وانت والنـوم وينـك