الله من قلب تزايد عذابه
والعين عيت تفبل النوم وتريح

يالله طلبتك ياسريع الإجابه
تفتح لنا بالا الفرج بالمفاتيح

يالله برزق وانت فتاح بابه
ياخالق قوت البدو والفلاليح

النوم ساس اللوم بان الردا به
وعيت تبي الطولات نومه شلافيح

واللي يدور الفود يتعب ركابه
والرزق باطراف الخطايا اهل الفيح

الذيب مايرقد ورزقه نهابه
يبحث عن الغرات حول المصاليح

يحمد مصابيح السرى من سرابه
بالليل الأظلم والنعايم مدابيح

تغاروا المرقاب مثل الذيابه
وتقابلوا مثل الحرار المفاليح

وانا على اللي يوم ساجن احقابه
تشدا قطاة وردوها الجواوويح

قالوا هذيك البل تسلسل حرابه
وقالوا جنبها عاشقين الطماميح

الله يلوم اللي بخاله خنابه
لاجت هروج القوم عنها تصافيح

يوم انطلق مثل الرعد من سحابه
بكفوف كوخان العيون الذاوبيح

من كل مسلوب يوكد صوابه
بصمع الفرنج موميات المطاويح

كثرت مناجيهم وصارت طلابه
وجنك كما ذود لحوضه مراويح

ثور عقيد القوم ثم عدابه
لهم على عوص النجايب مشاويح

الشاعر : مريبد العدواني البجيدي