الحظ ضامروالعزا بارتفاعه=والعزم ساير والمدارات طوقه
والوقت ماكل من خضع له و طاعه=ولو ماالمراره يبهت الحلو ذوقه
وخويك اللي بالوازم ذراعه=تشيلك اليا طحت بالقاع فوقه
دنياك وان ضاق الفضاء باتساعه= ادواك لا سم البدن مايعوقه
له فزعةٍ ماهي بقدراستطاعه=قدراستطاعه نقطةٍمن نفوقه
ياسعد عينك لا لفاك اندفاعه=حرٍ تقطع مع مهده سبوقه
يوم اعتلى المرقاب رام الرفاعه=فزات قرمٍ للمعالي لحوقه
حول على كل حال والعمرباعه=لجل خويه وارخص الطير سوقه
واعزتي للي فقدله بضاعه=شروا قصيدٍ بالمشاعر نسوقه
امر من فرقا الاهل والجماعه=واصعب من حقوق المشاعرحقوقه
واقل عله ماتحملها مناعه=اردت بشيخٍ وخذت الظهرنوقه
حق الصديق انبات يطوى شراعه=هي دمعةٍ بين المدامع صدوقه
هذا خوي اللي من الوقت لاعه=لوع البدن من ضيقة البال عوقه
لاهو مدور للثمن يالاذاعه=يبري حروق ولايبين حروقه
ماهو شقيق ولااخوبالرضاعه=الا بعيدٍ ماتعرقبك عروقه
لاداعك من الوقت والوقت داعه=سفرة علومه مثل لمعة بروقه
وان جاك فعله ساحب سيول قاعه=حقوق المخايل يوم حدر زعوقه
يسحب من اللاهوب لارض الشفاعه=بالليل قبل الفجر يطلع زروقه
يالله عسى يفداه خطو الزلاعه=اللي طروقه ماتشابه طروقه
مربد كثيرالكذب رقم اقتناعه= انا الخطا والكذب منبع خفوقه
تعرف زوله من وضاعة متاعه=ودك بهاون لاتعدا (تسوقه)
فرقاه عيدولامقابله ساعه= اللي عن الطولات قاصر شفوقه
مقضي عمره بالكذب والكاعه=وعند الملازم ماترقع خروقه

له فزعـةٍ ماهـي بقدراستطاعـه
قدراستطاعه نقطـةٍ قـي نفوقـه

الشميلاني موسى
الله يمسيك بالخير اخوي
قصيد ة رائعة بكل ماتحمله من معاني ,,,
حفظك الله ,,
لك كل التحية ,, والتقدير
وسلمت لنا

الله ابداع وربي يالغالي
صح لسانك وسلم بدنك

نسيم الشمال وحليفك


تشرفت بمرورك الرائع
كل الشكر

يعطيك العافيه يالغالي على هالقصيده الجزله

حروف مزجتها برحيق افكارك واظهرة لنا صاحب الذوق الرفيع

الى الامام يا ابو خالد

المشاركة الأصلية كتبت بواسطة الشميلاني موسى (المشاركة 48027) له فزعةٍ ماهي بقدراستطاعه=قدراستطاعه نقطةٍمن نفوقه ياسعد عينك لا لفاك اندفاعه=حرٍ تقطع مع مهده سبوقه

المشاركة الأصلية كتبت بواسطة احاسيس مسموعه (المشاركة 90219) مشكور اخوي ويعطيك العافيه ع القصيده الرائعه دمت لمن تحب

المشاركة الأصلية كتبت بواسطة بدر الشمال (المشاركة 90231) الشميلاني موسى صح الله لسانك ويوم بعد يوم تتحفنا بابداعك وتميزك لك تحيتي وتقديري

المشاركة الأصلية كتبت بواسطة محمدعبدرمثان (المشاركة 93469) الشميلاني موسى شاعر رائع ومبدع دمت بخير وبصحه جيده

ما اشوفك غير بعروس الجماعه
....
....
....
يا ابو خالد شرهتي حيل مغلوقه