(شبكة ومنتديات الشميلات الرسمية) - سكنت قلبي قبل لا أشوفها ~~

- واحة الخواطر و النثر (http://alshemailat.com/vb/forumdisplay.php?f=6)

- - سكنت قلبي قبل لا أشوفها ~~ (http://alshemailat.com/vb/showthread.php?t=7629)

سكنت قلبي قبل لا أشوفها ~~

سكنت قلبي قبل لا أشوفها

قبل ماعرفها ..وأعرف وصوفها ..

وكل اللي عرفته بس

عليها الـــــروح ملهوفه ..

أشتاق لها ..

ومدري ليه أشتاق ..

وأخـــــاف

من ضيم الأشواق ..

من كثر خوفي ..

أعاتب ظروفي ..

ودوم أترجى ظروفها ..

في غيابها .. غيابي ..

وفي حضورها ..

يطل النــــــور من نورها ..

في قربها.. عذابي ..

وإن شكيت

البعد معذور ..

إن غابت .. عذبني غيابها ..

وشوقتني لتعذيبها ..

وإن حضرت ..ذوقتني عذابها ..

وأحتار شسوي بها ..

ما قد شفتها أو لمحتها ..

بس لو غمضت عيني ..

ما تفارقني طيوفها ..

بعيوني ساكـــــن خيالها ..

وبقلبي ساكـــــــنه لحالها ..

وبالروح حفظت.. أسمها ..

كل هذا وعيني ما تشوفها

أجل وشلون لو أشوفها ..؟؟

وشلون ..

لو عيني تنظر لعينها ..

وأشوف إبتسامتها ..

وأسمع كلامها ..

وكفي يلامس كفوفها ..

غريبه حالتي !

والأغرب إحساسي ..

ما عرفتها بس

هي أغلــــــــى ناسي ..

والله .. والله ..

سكنت قلبي قبل ما أشوفها ..

قبل ماعرفها .. وأعرف وصوفها

وكل اللي عرفته بس

عليها الــــــروح ملهوفه ..