(شبكة ومنتديات الشميلات الرسمية)

- الشعراء المعاصرين (http://alshemailat.com/vb/forumdisplay.php?f=76)

- - قالت : رعد .. (http://alshemailat.com/vb/showthread.php?t=12491)

قالت : رعد ..

مدخل ....!!!
تدري البارح تضايقت .. وشكيت
بس مابكيت ..!!

يمكن .. انك تعتقد انها رجوله
لا .. لا .. لا ياعمري >> خايف ان الدمع ينزل .. ومنت حوله ..!!
صـافن..على شط الحزن واحصي رمال
واسمــع حـكـايـات الـسـفــن .... لــلـمـوانـي

بحـثـت فـيـني لـيــن .... حـصلــت الآمـال
حـصـاه بـيضـة.. فــي حـطـام الـمـباـني

مـافي جسـد للـمال .. من شـان رســمال
كـل شي ملـكتـه .. فـي يسار المحـاني

مشـكورّ يـا راسي .. على حمل الاثقال
ضـاعت إجـابـاتـي.... لـغـدر الـمـعـاني

من شقق خدود الطفل يا اشهب اللال
انفاس واقع .. او.. هبوب الاماني ؟؟

ومن وصل الطفله الى طارف الجال
فقد الامومه ؟؟ .. ولا.. اب" اناني؟؟

صافن .. وتقطع رحلتي ريحة الشال
شميتها وحسيت (( ثقل بـ أذاني ))

جتـني .. يـداعب خـدها حـبة الـخال
دقات قلــبي .. مـع خطـاهـا ..تعاني

قالت: رعد قلت :البعد صار رجال
قلتي بـسافر عـام .. صاروا ثمــاني

قالت: رعد..قلت:السعد صاحب" زال
خـاوى خيالك يـــوم راح .. و جفــاني

قالت : رعد..قلت : الوعد لعبة اطفال
نــربط امانـينا .... و تـحل بــثوانــي ..!

قالت : رعد ارجوك شف حالتي حال
عطــني مــن انفــاسـك .. ارمــم كــيانـي

قلت : اسكنيني شاعر" يشبه الذال
مبعد عن الكيبورد منسي .. يعاني

وايـه اسـلكيني درب مــغرور يخـــتال
هــلّي عــلى مــتــني دمــوع الاغــانــي

والا اتركيني جرح..من غيبتك سال
موتــي شــهادة.. كان هــذا امتحاني

كل دمع عيني لحظة افراقك ..انهال
مدري إذا ماتت امي .. كيف احزاني؟
مخرررج...!!!

يالبعيد ...
تسأل السادة عن اوضاع العبيد
وانت سيد...
ياخي بس آشرّ بــ أيد
اسرق من العيـد ..ضحك \ واصنع من الضحك عيد..
اخوكم .. \ رعد الجذيان ...

رد: قالت : رعد ..

رعد

صح لسانك .....قصيده تحمل بين احرفها

قصة تمثل حكاية لم يكتب لها النجاح

لك تحيتي وتقديري

رد: قالت : رعد ..

رعد الجذيان..

شاكره لك كل الشكر لطرحك الراائع اخوي
كلمااات رااائعه
يعطيك ربي الف عافيه
لك ودي واحترامي..

رد: قالت : رعد ..

الله عليك

صح لسانك يا رعد

ولاهنت على هذا النص الرائع

تقبل مروري واعجابي

رد: قالت : رعد ..

رعد
فلسفة شعرية رائعة
اخذتنا في خيال واسع
يدل على شاعرية رعد الجذيان

رعد
لك تحيااتي وتقديري

رد: قالت : رعد ..

رعد الجذيان

شاعر فريد لك عالمك الخاص تطير بنا من اروع حروفك

الى لوحة جميلة ترسم لنا من ابداعك لاحرم هذا الابداع

دمت بخير

رد: قالت : رعد ..

اقتباس:

صافن .. وتقطع رحلتي ريحة الشال
شميتها وحسيت (( ثقل بـ أذاني ))

رعد ....شاعر حساس ويكتب بأحساس مختلف عن غيره

يجيد الأبداع ويعزف الحانه على دقات قلبه الحزين

ما اصعب لحظة الوداع وما اصعب ان يذهب منك من تحبه

صح لسانك

دمت بعافيه