|
الخاطرة التي ابكت الشارع السعودي
بســـــــــــــــــــم الله الرحمن الرحيـــــــــــم
الطفوله أحلى مافي هالحياة مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني بسمه فينا ترتســم .. كنـّا نركض خلف كوره ... ( لا لا أنا ماكنت معهم !! ) وحدي بس بعيد عنهم ... كنت أنا أضحك عليهم جالس لحالي أهذري ... جالس أحسب كم ( كوبري ) صلـّحه ( أحمد ) في ( ماجد ) ؟؟ والله واجد!! ... وقبل ما يحل الظلام للبيوت نروح نجري ... ( لا لا أنا ماكنت معهم ! ) أمشي وحدي بعيد عنهم ... أمشي وأعدد أثرهم ! وهم عني يبعدون يبعدون ... يبعدون إلا ( ماجد ) !! كان مثلي حيل ضايق ... بس حزنـي كــان حارق كان يسألني ببراءه : ... ليش تعرج ؟ ... قلت مادري ! ... باستياء ليش تبكي ؟ قلت مابكي ... بكبرياء ضاق مني ... ثم سألني في غباء ... قال ( وثرايك تـثــابق )؟؟ وراح عنــّــي ... !! .... كنت أسأل دوم نفسي ... ليش ما أركض معاهم ؟!! ليش دوم أمشي وراهم ؟!! وش بلاي ؟!! ... أو وش بلاهم ؟!! ليه أنا غير الأنام ؟!! زاحمتني الأسئله... كل شيٍ أجهله ؟ وإن تعبت من الإجـــابه... أحظن الحيـــره وأنام . ..... مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز ) !! يعني بيني وبينكم مليون حاجـــز !!! صدقوني ذي حقيقه ... لا طلعت السوق ... كل ما أمشي دقيقه القى كل شوي أبله !! يمشي ويناظر صديقه ... ويغمز له يقول : ناظر ...!! وش يناظر ؟!! وتتفجّــر في خفوقي ألف ضيقه ووحده في وسط الزحام .... طالعتني باهتمام ... بنت في عمر الزهور ... أي رشاقه ... وأي أناقه ... وأي عطـــور !! قلت في نفسي ياهووووه هي تناظرني بغرام ؟!! ... أو هي نظره والسلام ؟!! بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيييييه أنا توي افتكرت .... لي قصيده ... كنت ناشر معها صوره بس صوره ... ياسلااااا م وفاجأتني ... لمـّا صارت لي قريبه ... كانت تـمـتم بطيبه (يكسر الخاطــر حـــرااااام ) !!!!! وتركت دمعه غريبة ... وضاعت بوسط الزحــام دمعه كانت تحكي وضعي ... زلزلتني ارتطم قلبي بضلعي ... دمرتني صدقوني ... أصعب اللحظــات وأقسى لاغدا الرجـّــــال يكسر ... خاطر انثى كيف ينسى ؟؟؟ جاوبوني !! ... وزاد همّــي ... يوم فكــّـرت بوظيفه ... ثم زواج أي وظيفه ... وأي زواج ؟؟ اللــي مثـلي ... مهما طالب ... لويلف ولو يدور زين لو حطـــّــوه كــاتب لا ... وعلى بنــد الأجـــــــور .... ماهو رسمي !!! .... صدقوني لو تدرّج ... وصار راتبه ايتصاعد وابتــدا وضعه يزين ما أظنه بيتزوّج ... حتى لو بعد التقاعد !! ..... وفي النهــايه ... . . يابلــدنا... مهما كانت ( تسميتـنا ) عاجزين ... ( معوّقين ) لك عهدنا ... وذا قسمنا : أقسم بالله العظيم ... منزل الذكر الحكيم أن أصونــك يابلادي ... من شرور العابثين من مطامع كل حاسد ... من نوايا كل فاســد وإني لك حصنٍ حصين ... إنتي ناديني وشوفي ... لا نويتي بالجهــاد والله أقهر لك ظروفي ... دامك إنتي لي بــــلاد وباسم كل العاجزين ... دام فينا أصبع يطول الزنـــاد لا يهمــّـك يابلادي ... وازهليهــا...... .... لا أعلم حقيقة لمن هي .. ولكنها خاطرة جديرة بأن أنقلها لكم ... تقبلو حبــــــــــــي وتحياتي |
رد: الخاطرة التي ابكت الشارع السعودي
شموخ..
شاكره لكِ كل الشكر لنقلك الرااائع والمؤثر بجد قصيده راائعه ومبكيه يعطيكـ العافيهـ على جهودك الراائع لكِ ودي واحترامي. |
رد: الخاطرة التي ابكت الشارع السعودي
شموخ ابدعتي اختي الكريمه بهالنقل الرائع والراقي والمميز تسلم اناملك لاتحرمينا من جديدك تقبلي مروري وتقديري |
رد: الخاطرة التي ابكت الشارع السعودي
سحر الغرام خيال القضاة
تسلمون على الطلة الحلوة لا خلا ولا عدم |
رد: الخاطرة التي ابكت الشارع السعودي
شمووووووخ مبدعه ويسلمووووو على الطرح الجميل من ابداع اجمل |
رد: الخاطرة التي ابكت الشارع السعودي
خالد جليدان منووور الصفحة
فالك التوفيق "" |
رد: الخاطرة التي ابكت الشارع السعودي
|
رد: الخاطرة التي ابكت الشارع السعودي
شمووخ
خاطرة تستحق الوقف والتامل بل الانحناء لها لما تحتوية من مشاعر أنسانية . وتعطي الثقة والتشجيع لهؤلاء وتوجيهـ نظرنا لهم بمنظور افضل من ماننظر لهم به . ولكي مني افضل تحية وتقدير . |
رد: الخاطرة التي ابكت الشارع السعودي
شموووووووووووووووخ مررره رووووووعه مشكوره على القصيده الحلووووووه يعطيك العافيه |
رد: الخاطرة التي ابكت الشارع السعودي
الـسـ. عليكم ورحمة الله وبركاته .ـلآم شموخ يعطيك الف عآفيه والله الطفولـه آجمل شي بالحيآه ليتني طفل وآرجـع لـ[ آيام الطفوله] الله يآ’زمان اول وتسلم آناملك شموخ علي الطرح الجميل وآخيرا تقبلي مروري [ وليد آلحربي] ودمتي بكل ود وآحترام |
| الساعة الآن 02:50 PM. |
