يامرحبا يابوي ياراعي الأمثال=وصلت أمثالك ورادة جل وسمان
يامرحبابك عد ماهل همال=واعداد ماتكتب معاني وقيفان
جاك المرد يابوي ارسلته ارسال=جواب من فكري وقافه على آن
هرجك اخذته درس في خفه اثقال=ثقال المعاني فيه بها اسداس واثمان
خاويت قرمِ للرجاجيل مدهال=ولد حموله ومن زحازيح ويلان
معرب الجد ومعرب الخال=والهرج عنده وازنه وزن ميزان
هرج قليل وكن يشريه بالمال=ولاسولف مسولف يصغي لها اذهان
في مجلسه يحشم عن القيل والقال=ويفرح ليا قالوا على الباب ضيفان
السن يضحك والنعم فيه رجال=رجال كنه بالفعايل بليهان
ومعنى الرجوله ماهي اشماغ وعقال=لازم يخاوي لبسهن طيب واحسان
واجب يخاويهن من البن فنجال=مع دلة صفرا من صنع رسلان
ولا انزل على جمعٍ لو انه زلال=يطفح زلاله فوق والتالي سيان
منزال شفي روضة دونهااسهال=شرقي شمال الجوف تغرد بالألحان
والمعذره يابوي من ضعف الأمثال=ماني بشاعر بس تعبير انسان
وصلو على محمد كثر قيل ماقال=شفيع عباد الله بروغات الأذهان