(شبكة ومنتديات الشميلات الرسمية)

(شبكة ومنتديات الشميلات الرسمية) (http://alshemailat.com/vb/index.php)
-   واحة المحاورات الشعرية (http://alshemailat.com/vb/forumdisplay.php?f=9)
-   -   محاوره جميله (http://alshemailat.com/vb/showthread.php?t=14704)

بدر الشمال 26-03-2020 12:09 AM

محاوره جميله
 
حامد القارحي
وش تقولون فالقعده مع النسوان
والمراسيم مسموعه ورسميه
اتوقع زيادة نسبة السكان
عقب هذي السنه 90 فالميه
👇
صقر سليم
‏‎القررات مصدرها الملك سلمان
كلها للوطن حاجه ضروريه
الله انه يكثر ربعنا الهذلان
ودي اشوفهم نص السعوديه
👇
فواز السعيدي
‏‎‎فترة الحظر ما تثّر على البدوان
مستريحين فالاجواء الخياليه
مير لو باعو سليم المعز والضان
العماير تزيد النفس نفسيه
👇
عبدالله بن عتقان
‏‎وقتوا للخريف القادم من الان
واحسبوها بالارقام الحقيقيه
بعدها تعرفون الزود والنقصان
بالتفاصيل والاجواء الطبيعيه
👇
فالح الغنامي‏
‎البلا اللي قعد بين اربعة جدران
ما له الاّ القنوات الفضائيه
حايس البيت اقو من حوسة الورعان
وقالبٍ مجلسه شقة عزوبيه
👇
سعود البقمي
‏‎ودنا نرمي الحبه على النيشان
بس الاوضاع ماجتلي على النيه
وش نسوي ياشاعرنا مع الورعان
عند راسي والاخر عند رجليه


الساعة الآن 03:03 AM.


Powered by vBulletin
Copyright ©2000 - 2024, Jelsoft Enterprises Ltd

جميع الحقوق محفوظة لشبكة ومنتديـــات الشميـــلات الرسمية
vEhdaa 1.1 by rKo ©2009