(شبكة ومنتديات الشميلات الرسمية) - يابدر يامشكاي قلبي إسحرته

- واحة همس القوافى (http://alshemailat.com/vb/forumdisplay.php?f=7)

- - يابدر يامشكاي قلبي إسحرته (http://alshemailat.com/vb/showthread.php?t=9820)

يابدر يامشكاي قلبي إسحرته

للحب صولات وجولات..أسمه واحد ..مفاهيمه متعددة..وكل ماتقدم العمر بالإنسان كل مازاد تعلقه بالحياة..والجمال مهما حاولت تجاهله فإن الغلبة في نهاية الأمر له..وعلى هذا الأساس لاغرابة أن يأتي بوح المشاعرلاإراديا

صوت الشمال

يابدر يامشكاي قلبي إسحرته**بنت لها بالزين صيت وفعايل

طويلة تجرح بخده إحمرته**وإذا ضحكت شفنا جميع الهوايل

سمعت صوت ويوم ناظر نظرته**في مطعم داخل لقسم العوايل

من العاصمة أصله ومنبت إشجرته**عذروبها ماتعترف بالرسايل

والعيب الآخر للمغازل إهجرته**شريفة ساسه كبار الحمايل

وعذروبه الثالث كلام ذكرته**إنه لحبي بسنة الله تخايل

بحب الشرف بيته بقلبي إعمرته**ومسكين من حاله من البيض مايل

يالله تخلف ليلي اللي سهرته**من أجل الذي زينه على كل طايل

ويرد بدرالمهجع السويدي

ياللي شكيت الحال حالك خبرته**واضح ولايحتاج شرح ودلايل

من يشتكي أمر المحبة عذرته**تصبح عليه أوقات عمره جلايل

كم واحد(ن) سجن المحبة وسرته**قلبه يذوق بمعتقله الهوايل

يجبرك قلبك فيه لو ماأستشرته**ولاهو عن اللي خالف الرأي سايل

لاشك حنا رهن باللي أمرته**يابو شذى يمك نشد الرحايل

لو يبعد المطلوب لأجلك نحرته**خال(ن)عزيز ومن كرام(ن) اصايل

راقت لي ونقلتها لكم