ياطير شلوى ماتهاب المعابير=تتعب اركابك للوجيه السفيرة
عجزو عداك ولا لقو لك معاثير=حيثك زرعت الطيب في كل ديره
عليك حليا عقاب وحجاب والزير=ياشط دجله والفرات الغزيره
تاخذ قرارك يوم تنوي على الخير=واللي يحب المال ما تستشيره
تقدرعلى الزينات لوهن معاسير=تقدم عليهن ماتخاف الكسيره
كم واحدٍ تسقيه من صافي البير=تدلي بدلوٍبالمحاسن كبيره
وبجاه رب الكون رب المقادير=يزيد خيرك زود من زود خيره
جعل حسودك مايشوف المظاهير=يطعم عياله من رماد السعيره
لذكرك كل ما اقوم واصبح على خير=تستاهل اني اذكرك ماهي كثيره
ياشيخ عقلا كان بالهرج تقصير=المعذره سيرتك شبه الجزيره
جاني سلامٍ منك بألفين تقدير=لايابعد من شال يمنا قصيره
الحمدلله صرت شاعرك يا امير=وشلون تبغا القاف حنا نديره