خلف المشعان يرثي أخيه موسى !
رحمة الله على اقلط / مرحبا / ماتجون ؟=بعد ماقيل موسى رحمة الله عليه ...! :عاش طيلة حياته يهتف بـ وشتبون=لين قالو توفى واهتفولي نبيه ...! كل صدمة مصيبه في حياتي تهون=لكن فراق موسى ماقدرت احتويه..! قبل اقوّي عزومي واحتزم بالظنون=شالت الريح سفني عكس ماتشتهيه ..! في دقيقة وفاته / طاح دمع المزون= كن حايل تنادي لارضها .. ودعـيه ..! ويل حالي على اللي لادرو يفزعون=كيف اسد بمكانٍ كنت مسنود فيه ..! من دموع اليتاما وسط صدري طعون= ومن وراهم يتامى طيب مدة يديه ..! كل عين ٍ شكت لي فقد هاك العيون=كنها من عيوني .. غمّضت تحتريه ..! وش بقول لصغارٍ بالعزا يلعبون=مادرو عن مصابي في فراق النزيه ...! بين حمل الفراق وحملهم بالمتون=كل هم بخفوقي ... غاب عوّد اليه ..! يستر الحزن صدري والمحاجر تخون=اسود الفقد بانت لوعته بالوجيه ...! يوم شفت التراب يهال صحت امغبون=ليت عمرك يـ خيّي ينشرى واشتريه ..! لو تجيز المنايا للبشر يفتدون=والله اني بروحي ... لارتجل وافتديه ...! مار ماهي بيدّي والمقدر يكون= ويل حالي عليّ .. ورحمة الله عليه ...! : : . نسأل الله أن يرحم الشاعر موسى المشعان وأن يسكنه فسيح جناته وعظم الله اجر اخونا العزيز خلف المشعان وكافة أسرة الفقيد |
رد: خلف المشعان يرثي أخيه موسى !
بدر الشمال .... شاكره لكِ كل الشكر لروعة طرحك وجماله يعطيك ربي الف عافيه قصيدة معبره رحم الله موسى المشعان لكِ ودي واحترامي |
رد: خلف المشعان يرثي أخيه موسى !
بدر الشمال دائما متميز في الانتقاء سلمت يالغالي على روعه طرحك نترقبالمزيد من جديدك الرائع دمت بعافيه |
رد: خلف المشعان يرثي أخيه موسى !
اخواني اسعدني مروركم وردودكم المميزه لكم تحيتي وتقديري |
الساعة الآن 09:57 AM. |