(شبكة ومنتديات الشميلات الرسمية)


	في داخلي طفلٍ عبيط ملكّع احساسه رقيق=تدني ثلاثينه وهو بعده بطيشه ما ارعوى يا ما كلا من وقته الملوي مقالب بالطريق=ويزداد عوده استقامه كل ما الوقت التوى والراس ماعاده غشيمٍ ينخدع بأيّت بريق=من التجارب مصطلي في نارها لين استوى ماردني عن رفعة الهامه ظروف ولا معيق=آرد على عد الضمى .. وأروى وغيري ما روى وماكل مالاق بعيون الناس في عيني يليق=ولا أحدٍ ينول بدنيته كل ما تمناه ونوى والطيب ماهو صلخ حكيٍ بالرخا ولاّ زعيق=عند إمتحان الناس بالشّده يبين المحتوى والرجل لامنه سكت يبقى بمنظورك عميق=وليا تلفظ بالكلام يبين حجم المستوى في وقتنا ما يسلك إلا صاحب الوجه الصفيق=وراع الحياء من الحيا لا قفلت معه انزوى يا ضيقةٍ وسط الصدر لمصامده ماعدت أطيق=اتضيّق أخلاقي معه وأيّست ألاقي له دوى تغيب ما كنه تغيب ان غابت .. وترجع تويق=لين النهار مع الظلام ابعين من شاف استوى اليا هجدتني كنها تضرب على سلكٍ دقيق=كتمت نفس .. ضيعت عقل .. قلة صبر .. لعنة ثوى أغيب في غيبوبته لاجات وأبطي ما أفيق=وان جيت أفيق بحضرته في صحوتي مالي لوى لاشك ماهي عابره .. وتجدد العلم العتيق=تطوي معاليقي طوي طي الرشى يوم انطوى ليته هوى جعل الهوى واللي هويته في حريق=لو كنت في درب الهوى مفلس وبه ماكل هوا كتمتها وسط الحشا عن مبعدين وعن شقيق=ماكل من يكوى يصيح من الكوي يوم انكوى وما يعني انه يكتم الونات ماهو مستضيق=يا كيف ماهو ضايق وجلده من الكي انشوى ؟ ماعنه سماء اتقلني والأرض بفجوجه تضيق=وغيّه يزيد الغي والغاوي على غيه غوى تيبس لهاتي وان بلعت الريق ما عيّنت ريق=وان جيت أمد حبال وصلٍ يقطعه سيف النوى يوم التفت إلينني واصل معه نصف المضيق=ماعاد به رجعه ورى وقدام والموقف سوى أسيرها مستأسره روحي وأنا جسمي طليق=وسرحانها يقنب مابين العوج ويرد العوا ضلما مساريها ولا لي وسط مسراها رفيق=أوقف وتنهار القوى .. وأجلس وتنهار القوى واللي غرق يتعلق بقشّه ولا تنجي غريق=مار انها حيلة غريق من الحيَل كفه خوى أو مثل من زلت به الأقدام في وادي سحيق=هاوي ولا له حيلةٍ غير ايتجوّد بالهوى يعني الشعر لو أكتبه للصبح ما فك الوثيق=دفعة بلا .. أو فضفضه .. أو شي ما يعني سوا زفرة هموم .. اتراكمت بالنفس بسباب الشهيق=أو ليلة ظلما تطوووول ... ولاح بأقصاها ضوى وان كان نكبات الزمان اتحيق به أو ما تحيق=ما عاد تفرق معه تمرٍ لاقدع ولا نوى بس الوكاد ان العلوم الخافية بيره غميق=خله كذا .. ويرد من قرّب حذاته بالصوى لو انطحن في زحمة الأيام وتبعثر رحيق=يموت واقف ما نشد عقبه ولو نجمه هوى الشاعر مهل العدوان الكثيري