لف الشريط وطار من عيني النوم
سريت مع ذيك الدروب القديمه

يوم القدم حافي وانا اطيح واقوم
والحال مامن حال والبيت خيمه

ماعندنا مفهوم عاجز ومهزوم
من صغرنا مانعترف بالهزيمه

نكبر مع الايام والامر محسوم
والمرجله تحتاج صبر وعزيمه

صرنا شباب وصارت علوم وعلوم
يوماً عجاج ويوم غيماً وديمه

لكننا نرضى بما كان مقسوم
القلب صافي والنوايا سليمه

يقلط علينا الضيف ماهو بمعزوم
له حق ما يحتاج منا عزيمه

والجار بالفزعه مع الجار ملزوم
وإن غاب مالد النظر في حريمه

هذي فروق الوقت بين امس واليوم
سجلتها لهل العقول الفهيمه
منقول