جينا نبارك لك بحفلة ترقيك=ومنها إلى أعلى بجاه مولاك
ولي الشرف واقف( ن) بين ايديك=مع الرفاقه ومن لفا اليوم هناك
ياجعل رب البيت يحقق امانيك=وعساك دوم بعز والعز ملفاك
مالي جدا آلا ازف التباريك=وأقول يامعبود زده بعطاياك
حيثك على المعروف عجله مماشيك=ممشاك واضح وش نبي اليوم نجزاك
يا بن غثيث الطيب دايم مخاويك=والطيب طبعك وتفعل الطيب يمناك
رجل جماعة وحتى الاجناب تغليك=ولااظن هذا الوقت نلقا حلاياك
انت الفخر والنعم لاحل طاريك=طاريك يرفع روسنا لاعدمناك
خير ولد خير بعيدة معانيك=والحمد لله يومن اليوم شفناك
فعلك لوجه الله مافيه تشكيك=مرحوم ياعودٍ على الطيب ضراك
يابو زياد اغليك واغليك وآغليك=وآعز من مثلك وعزي بشرواك
والروح لو تهدا والله لهديك=اهديك روحي فدوتٍ حدر ماطاك
وياكم فقير يطلب الله ياقيك=شلته على متونك بطبيه نواياك
وكم محرومٍ جاك عينه تراعيك=واقفى وهو فرحان جزله عطاياك
أقسم برب البيت وأقسم بمحييك=بعض العذارا قطرفن فرحة فيك
مدحٍ بليا فعل لو قيل يخطيك=ومدحٍ بفعلك لو تخفيت ينصاك
ومن ما فرحلك جعله اليوم يفديك=حيثه عجز ياعبيد يسوي سواياك
واختم كلامي الله يقبل مساعيك=ويكتبلك الحسنى بميزان حسناك